+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

ۇلتتىق ۇلان اسكەري ءبولىم كومانديرلەرىنىڭ جاۋىنگەرلىك شەبەرلىگى سىنالدى

23 قىركۇيەك 07:46
:ءبولىسۋ
ۇلتتىق ۇلان اسكەري ءبولىم كومانديرلەرىنىڭ جاۋىنگەرلىك شەبەرلىگى سىنالدى

وسكەمەن. قازاقپارات - وسكەمەن قالاسىندا رەسپۋبليكانىڭ بارلىق وڭىرلەرىنەن كەلگەن 30 عا جۋىق اسكەري ءبولىم كومانديرىنىڭ جاۋىنگەرلىك شەبەرلىگى سىنالدى، دەپ حابارلايدى قازاقپارات ءتىلشىسى.

ق ر ۇ ۇ «شىعىس» وڭىرلىك قولباسشىلىعى باسپا ءسوز قىزمەتىنىڭ مالىمەتىنە سۇيەنسەك، وسكەمەندە اسكەري ءبولىم كومانديرلەرىنىڭ وقۋ- ادىستەمەلىك جيىنى ءوتتى. 3 كۇندىك جيىنعا ەلىمىزدىڭ بارلىق وڭىرلەرىنەن 30-عا جۋىق اسكەري ءبولىم مەن بريگادا كومانديرلەرى قاتىستى. الدىڭعى شەپتەگى وفيتسەرلەر كاسىبي بىلىكتىلىگىن شىڭداپ، تەوريالىق جانە تاجىريبەلىك سىناقتاردان وتكەن.

«كاسىبي- لاۋازىمدىق دايىندىق شەڭبەرىندە ۇيىمداستىرىلعان اسكەري ءبولىم كومانديرلەرىنىڭ وقۋ- ادىستەمەلىك جيىنى - ءبىز ءۇشىن تاپتىرماس تاجىريبە. ارنايى جاساقتىڭ جەتەكشىلىگىمەن وق اتۋدىڭ جاڭا تاسىلدەرىن ۇيرەنىپ، ءوزىمىزدىڭ جەكە قۇراممەن ارى قاراي ۇرىستىق جاتتىعۋلاردا قولدانىسقا ەنگىزەتىن بولامىز»، - دەدى اقتاۋ قالاسىنان كەلگەن «باتىس» وڭىرلىك قولباسشىلىعىنا قاراستى 6656 اسكەري ءبولىمىنىڭ كومانديرى مارات راحپانوۆ.

شىعىس، باتىس، وڭتۇستىك جانە ورتالىق وڭىرلىك قولباسشىلىقتارىنان كەلگەن اسكەري ءبولىم كومانديرلەرى جاۋىنگەرلىك دايىندىقتىڭ نەگىزگى تۇرلەرىنەن سىنعا ءتۇستى. تۇنگى جانە كۇندىزگى جاعدايدا اۆتومات پەن تاپانشادان نىساناعا اتۋدان مەرگەندىكتەرىن كورسەتىپ، 3 شاقىرىم قاشىقتىققا جۇگىرىپ، تۋرنيككە تارتىلۋدان جانە قويان- قولتىق ۇرىستان ءار وفيتسەردىڭ دەنە دايىندىعىنا باعا بەرىلدى.

«بۇل جيىن ءبىز ءۇشىن وتە ماڭىزدى. سەبەبى اسكەري ءبولىم باسشىلارىنىڭ ءىس جۇزىندەگى جاۋىنگەرلىك دايىندىقتارى سىنالىپ، لەزدە شەشىم قابىلداپ، شۇعىل ارەكەت ەتە ءبىلۋ بويىنشا ءبىلىمىمىز بەن بىلىكتىلىگىمىز شىڭدالىپ جاتىر»، - دەدى قاراعاندى قالاسىنان كەلگەن «ورتالىق» وڭىرلىك قولباسشىلىعىنا قاراستى 6505 بريگاداسىنىڭ كومانديرى حاميت قازەنوۆ.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات