+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

پرەزيدەنت تاپسىرماسى: بۇقتىرماداعى كوپىر قۇرىلىسى قىستا دا جالعاسادى

22 قىركۇيەك 22:40
:ءبولىسۋ
پرەزيدەنت تاپسىرماسى: بۇقتىرماداعى كوپىر قۇرىلىسى قىستا دا جالعاسادى

وسكەمەن. قازاقپارات - شىعىس قازاقستان وبلىسىندا بۇقتىرما سۋ قويماسى ارقىلى وتەتىن كوپىر قۇرىلىسى جۇرگىزىلىپ جاتىر، دەپ حابارلايدى قازاقپارات ءتىلشىسى.

پرەزيدەنت قاسىم-جومارت توقايەۆتىڭ تاپسىرماسىمەن شىعىس قازاقستانداعى كۇرشىم مەن كوكپەكتى اۋداندارىن جالعايتىن «قىزىل تۋ» وتكەلىنە كوپىر سالىناتىنى بەلگىلى.

بۇگىندە كوپىر قۇرىلىسى قارقىندى جۇرگىزىلۋدە.

نىسان باسىندا دايىندىق جۇمىستارى اياقتالىپ، سۋعا ۇزىندىعى 12 مەتر بولاتىن العاشقى تەمىر تىرەۋلەر قاعىلعان.


بۇل جايلى كۇرشىم اۋداندىق ساۋلەت، قۇرىلىس، تۇرعىن-ءۇي كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى ماقسات اكراموۆ ءمالىم ەتتى.

«جوسپار بويىنشا اۋەلى ۋاقىتشا كوپىر سالىنىپ، سول ارقىلى نەگىزگى كوپىردىڭ قۇرىلىسى جۇرگىزىلمەك. قۇرىلىسقا قاجەتتى ماتەريالدار جەتكىلىكتى. قازىرگى ۋاقىتتا سول جەردە 60 ادام جۇمىس ىستەپ جاتىر. سونداي-اق تاياۋ كۇندەرى سۋعا تەمىر تىرەۋىش قاعاتىن تاعى ءبىر قوندىرعى جەتكىزىلەدى. بەتون جابىندىلار قۇرىلىس باسىندا وندىرىلەتىندىكتەن مەتال كونسترۋكسيالار عانا بارجى ارقىلى تاسىمالدانۋدا. قاجەتتى ماتەريالداردىڭ نەگىزگىلەرى قازاقستاندا وندىرىلگەن. قۇرىلىس قىستا دا جالعاساتىندىقتان، نىسان بەلگىلەنگەن ۋاقىتتا اياقتالادى دەپ جوسپارلانۋدا»، - دەدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات