پرەزيدەنتكە كاسپي تەڭىزى جاعالاۋىنداعى تۋريستىك كلاستەردى دامىتۋعا ارنالعان جوبالار تانىستىرىلدى

نۇر-سۇلتان. قازاقپارات - مەملەكەت باسشىسى ماڭعىستاۋ وبلىسىنا جۇمىس ساپارى بارىسىندا ءوڭىردىڭ تۋريستىك الەۋەتىمەن تانىستى، دەپ حابارلايدى اقوردانىڭ باسپا ءسوز قىزمەتى.

پرەزيدەنت Rixos Water World Aktau قوناق ءۇي كەشەنىنىڭ ينفراقۇرىلىمىن، سونىڭ ىشىندە جۋىردا اشىلعان ويىن-ساۋىق پاركىن ارالاپ كوردى.

اقتاۋ قالاسىنىڭ وڭتۇستىگىندەگى تۋريستىك ايماقتى دامىتۋعا ارنالعان ينۆەستيتسيالىق جوبالاردى جۇزەگە اسىرۋعا باسا ءمان بەرىلدى.

اتاپ ايتقاندا، ينۆەستورلار مەملەكەت باسشىسىنا گولف كلۋبى، ساۋدا ورىندارى، ۆيللالارى مەن اپارتامەنتتەرى بار حالىقارالىق دەڭگەيدەگى قوناق ءۇيدىڭ قۇرىلىسى تۋرالى ايتتى.

نىسان بيىل جىل سوڭىنا دەيىن پايدالانۋعا بەرىلەدى دەپ جوسپارلانعان.

قاسىم-جومارت توقايەۆ ۇسىنىلعان ينۆەستيتسيالىق جوبالارعا وڭ باعا بەردى.

سونىمەن قاتار تۋريستىك ينفراقۇرىلىمدى كەڭەيتىپ، جەتىلدىرۋدىڭ جانە تۋريستەر تارتۋدىڭ ماڭىزدى ەكەنىن اتاپ ءوتىپ، قۇرىلىس بارىسىن ءوز باقىلاۋىنا الاتىنىن مالىمدەدى.