+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

اقتاۋ قالاسىنداعى تۋريستىك اۋماقتا ينجەنەرلىك جانە كولىك ينفراقۇرىلىمى جاسالۋى ءتيىس - توقايەۆ

22 قىركۇيەك 21:14
:ءبولىسۋ
اقتاۋ قالاسىنداعى تۋريستىك اۋماقتا ينجەنەرلىك جانە كولىك ينفراقۇرىلىمى جاسالۋى ءتيىس - توقايەۆ

نۇر-سۇلتان. قازاقپارات - اقتاۋ قالاسىنداعى تۋريستىك اۋماقتا ينجەنەرلىك جانە كولىك ينفراقۇرىلىمى جاسالۋعا ءتيىس.

بۇل تۋرالى ماڭعىستاۋ وبلىسىنا جۇمىس ساپارى بارىسىندا ءوڭىردىڭ الەۋمەتتىك-ەكونوميكالىق دامۋى جونىندە كەڭەس وتكىزگەن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى اقوردانىڭ باسپا ءسوز قىزمەتىنە سىلتەمە جاساپ.

پرەزيدەنت ەلىمىزدەگى ەڭ ۇزدىك ون تۋريستىك ايماقتىڭ قاتارىنا قوسىلاتىن ماڭعىستاۋ وبلىسىنىڭ تۋريستىك الەۋەتى زور ەكەنىن اتاپ ءوتتى.

مۇنىڭ دالەلى رەتىندە وسى جىلدىڭ ءبىرىنشى جارتىسىندا تۋريستەر سانى ءۇش ەسە ارتقانىن العا تارتتى.

دەگەنمەن، مەملەكەت باسشىسى كۋرورتتى جەرلەردىڭ تۋريستىك الەۋەتى تولىق يگەرىلمەي وتىرعانىن جەتكىزدى.

«كاسپي جاعالاۋى سياقتى ءداستۇرلى باعىتتارمەن قاتار، جاقىن كەلەشەكتە كەندىرلى كۋرورت ايماعى مەن باۋتين پورتىنىڭ دا مۇمكىندىگىن ءتيىمدى پايدالانۋ قاجەت. اقتاۋ قالاسىنداعى تۋريستىك اۋماقتا ينجەنەرلىك جانە كولىك ينفراقۇرىلىمى جاسالۋعا ءتيىس. «سامۇرىق-قازىنا» قورى بيىل «سارشا» ەلدى-مەكەنى مەن «جىلى جاعاجاي» كۋرورتتىق ايماعىنا گاز تارتۋ جۇمىسىن اياقتاۋى كەرەك»، - دەدى مەملەكەت باسشىسى.

قاسىم-جومارت توقايەۆ گازبەن قامتۋدىڭ پەرسپەكتيۆالارى تۋرالى ايتا كەلىپ، ۇكىمەتكە «سامۇرىق-قازىنا» قورىمەن بىرلەسىپ، ءۇش جىل مەرزىمدە «بەينەۋ-جاڭاوزەن» ماگيسترالدى گاز قۇبىرىنىڭ ەكىنشى بولىگىنىڭ قۇرىلىسىن قامتاماسىز ەتۋدى جانە ماڭعىستاۋ وبلىسىنىڭ گاز تاسىمالداۋ جۇيەسىن رەكونسترۋكتسيالاۋدى تاپسىردى.

بۇل گاز حيميا ونەركاسىبىن دامىتۋعا مۇمكىندىك بەرەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات