پرەزيدەنت قاسىم-جومارت توقايەۆ «حالىق ارەنا» سپورت كەشەنىنە باردى

None
None
نۇر-سۇلتان. قازاقپارات - مەملەكەت باسشىسى ماڭعىستاۋ وبلىسىنا جۇمىس ساپارى اياسىندا اقتاۋ قالاسىنداعى «حالىق ارەنا» سپورت كەشەنىن ارالاپ كوردى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

قاسىم-جومارت توقايەۆقا سپورت كەشەنىندەگى جاتتىعۋ زالدارى تانىستىرىلدى.

2500 ادامعا ارنالعان سپورت كەشەنىندە باسكەتبول، ۆولەيبول، فۋتبول، جەڭىل اتلەتيكا، بوكس، دزيۋدو، اۋىر اتلەتيكا، سۋدا ءجۇزۋ، شاعىن فۋتبول سياقتى سپورتتىڭ 19 تۇرىمەن شۇعىلدانۋعا جاعداي جاسالعان.

پرەزيدەنت كەشەندە جاتتىعىپ جۇرگەن سپورتشىلارمەن اڭگىمەلەسۋ بارىسىندا سپورت سالاسى، بۇقارالىق سپورت تۇرلەرىنىڭ دامۋى مەملەكەتتىڭ ەرەكشە نازارىندا بولاتىنىن، بارلىق وڭىردە زاماناۋي سپورت نىساندارىنىڭ سالىنىپ جاتقانىن ايتتى.

مەملەكەت باسشىسى سپورتشىلاردان بولاشاقتا الەم جانە وليمپيادا چەمپيوندارى شىعاتىنىنا سەنىم ءبىلدىردى.

كەزدەسۋ سوڭىندا قاسىم-جومارت توقايەۆ جاس سپورتشىلارعا تابىس تىلەپ، ەستەلىك سۋرەتكە ءتۇستى.

سوڭعى جاڭالىقتار