+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

ماڭعىستاۋ وڭىرىندە كەن ورىندارىن ىزدەۋگە ينۆەستيتسيا تارتۋ قاجەت

22 قىركۇيەك 20:29
:ءبولىسۋ
ماڭعىستاۋ وڭىرىندە كەن ورىندارىن ىزدەۋگە ينۆەستيتسيا تارتۋ قاجەت

نۇر-سۇلتان. قازاقپارات - ماڭعىستاۋ وبلىسىندا كەن ورىندارىن يگەرۋ جۇمىستارىنا جەرگىلىكتى كومپانيالار مەن كادرلاردى بارىنشا تارتۋ ماڭىزدى.

بۇل تۋرالى ماڭعىستاۋ وبلىسىنا جۇمىس ساپارى بارىسىندا ءوڭىردىڭ الەۋمەتتىك-ەكونوميكالىق دامۋى جونىندە كەڭەس وتكىزگەن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

اقوردانىڭ باسپا ءسوز قىزمەتى تاراتقان مالىمەتكە سايكەس، ق ر پرەزيدەنتى كەڭەس بارىسىندا مۇناي-گاز سالاسىن ودان ءارى دامىتۋ، سونىڭ ىشىندە وڭىردەگى جاڭا كەن ورىندارىن يگەرۋ ماسەلەسىن كوتەردى.

وسى رەتتە، مەملەكەت باسشىسى جالپى قۇنى شامامەن 5 ميلليارد دوللار بولاتىن «قالامقاس تەڭىز» جانە «حازار» ءىرى كەن ورىندارىن يگەرۋ جۇمىستارىن باستاۋ جونىندەگى شەشىمىن ەسكە سالدى. پرەزيدەنت كەن ورىندارىن يگەرۋ جۇمىستارىنا جەرگىلىكتى كومپانيالار مەن كادرلاردى بارىنشا تارتۋدىڭ ماڭىزدى ەكەنىن اتاپ ءوتتى.

بۇدان بولەك قاسىم-جومارت توقايەۆ مۇناي كەن ورىندارىنىڭ بىرتە-بىرتە توزۋىنا، 2030-جىلعا قاراي وندىرىلەتىن مۇنايدىڭ ازايۋىنا بايلانىستى پروبلەمانى دا قوزعادى. اتالعان ماسەلەنى شەشۋ ءۇشىن پرەزيدەنت گەولوگيالىق بارلاۋ جانە جاڭا كەن ورىندارىن ىزدەۋ باعىتىنا بەلسەندى تۇردە ينۆەستيتسيا تارتۋعا شاقىردى.

بۇل جۇمىستاردى اتقارۋ بارىسىندا جىل سوڭىنا دەيىن قۇرىلاتىن ۇلتتىق گەولوگيالىق قىزمەت ماڭىزدى ءرول اتقارۋى ءتيىس.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات