+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

پرەزيدەنت ءشولدى ايماقتا اۋىل شارۋاشىلىعىن دامىتۋ ۇسىنىسىن ەنگىزۋدى تاپسىردى

22 قىركۇيەك 19:20
:ءبولىسۋ
پرەزيدەنت ءشولدى ايماقتا اۋىل شارۋاشىلىعىن دامىتۋ ۇسىنىسىن ەنگىزۋدى تاپسىردى

نۇر-سۇلتان. قازاقپارات - ماڭعىستاۋ جانە قىزىلوردا وبلىستارى ءۇشىن قۇدىق قازۋعا بولىنەتىن سۋبسيديانى 80 پايىزعا دەيىن كوبەيتۋ قاجەت.

بۇل تۋرالى ماڭعىستاۋ وبلىسىنا جۇمىس ساپارى بارىسىندا ءوڭىردىڭ الەۋمەتتىك-ەكونوميكالىق دامۋى جونىندە كەڭەس وتكىزگەن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى اقوردانىڭ باسپا ءسوز قىزمەتىنە سىلتەمە جاساپ.

كەڭەس بارىسىندا قاسىم-جومارت توقايەۆ وڭىردە جاپپاي مال شىعىنىنا الىپ كەلگەن قۋاڭشىلىق ماسەلەسىنە قاتىستى كوزقاراسىن ءبىلدىرىپ، مۇقتاج فەرمەرلەرگە كومەك كورسەتۋ كەزىندە شەنەۋنىكتەردىڭ سىلبىرلىعىن سىنعا العان. مەملەكەت باسشىسىنىڭ ايتۋىنشا، وبلىس اكىمدىگى مەن قۇزىرلى مينيسترلىك قايتا-قايتا قاعازىن تۇگەندەپ، قۇجاتىن رەتتەپ وتىرعاندا احۋالدى تۇراقتاندىرۋ ءۇشىن رەزەرۆتەن بولىنگەن ءتيىستى قاراجات قينالعان شارۋالارعا مەزگىلىندە جەتپەگەن.

«قۇدىق قازۋعا بولىنەتىن سۋبسيديا 80 نەن 50 پايىزعا دەيىن قىسقارعان بولاتىن. ۇكىمەتكە بۇل شەشىمدى قايتا قاراۋدى تاپسىرامىن. ماڭعىستاۋ جانە قىزىلوردا وبلىستارى ءۇشىن وتەماقى مولشەرىن قايتادان 80 پايىزعا دەيىن كوبەيتۋ قاجەت. قۇزىرلى مينيسترلىك ءشولدى ايماقتا اۋىل شارۋاشىلىعىن دامىتۋ ءۇشىن ۇسىنىس ەنگىزسىن. ونىڭ عىلىمي نەگىزى بولۋى شارت. حالىقارالىق وزىق تاجىريبەنى، سونىڭ ىشىندە يزرايلدىڭ ءتاسىلىن زەرتتەڭىزدەر»، - دەدى قاسىم-جومارت توقايەۆ.

سونىمەن قاتار ق ر پرەزيدەنتى زاڭسىز بالىق اۋلاۋ ارەكەتتەرىنىڭ كوبەيىپ كەتكەنىن تاعى ءبىر وزەكتى پروبلەما رەتىندە اتاپ، مۇنىڭ قۋدالاۋمەن عانا شەشىلمەيتىنىن ەسكەرتكەن. بالىق ءوسىرىپ، ونى وڭدەيتىن كاسىپورىن قۇرۋعا قولايلى جاعداي جاساۋ كەرەك دەپ ەسەپتەيتىندىگىن باسا ايتقان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات