قازاقستاننىڭ ماشينا جاساۋ سالاسىنىڭ ونىمدەرى قاي ەلدەرگە ەكسپورتتالادى
بۇل تۋرالى ق ر ساۋدا جانە ينتەگراتسيا ۆيتسە- ءمينيسترى جانەل كۋشۋكوۆا قازاقستان ماشينا جاساۋشىلارىنىڭ Ⅸ فورۋمىندا ايتتى، دەپ حابارلايدى قازاقپارات.
«بۇگىندە الەمدىك ساۋدانىڭ % 44- ى، ياعني 17,5 تريلليون ا ق ش دوللارى ماشينا جاساۋ سالاسىنىڭ ونىمدەرىنە تيەسىلى. 2018 -جىلدان باستاپ ماشينا جاساۋ ونىمدەرى يمپورتىنىڭ تومەندەۋى مەن پاندەميا كەزىندەگى لوگيستيكا قيىندىقتارىنا قاراماستان، پاندەميادان كەيىن بۇل ۇردىستە ءوسۋ بايقالىپ وتىر. وعان قوسا ماشينا جاساۋ يندۋسترياسىنداعى پروتسەستەردى سيفرلاندىرۋ دا ماڭىزدى ءرول اتقارا باستادى»، - دەدى ج. كۋشۋكوۆا.
ماسەلەن سوڭعى جىلى ەلەكتر قوزعالتقىشتارى بار كولىكتەردىڭ حالىقارالىق ساۋداسى 1,5 ەسەگە جۋىق وسكەن. الەمدىك ساتىلىمدا ەلەكترواۆتوموبيلدەر (%78)، ەلەكتروموپەدتەر مەن ۆەلوسيپەدتەر (%20) كوش باستاپ تۇر، ال ەلەكتر اۆتوبۋستاردىڭ ۇلەسى بار بولعانى - % 3.
قازاقستان بيىلعى 7-ايدا 741,8 ميلليون دوللارعا ماشينا جاساۋ ونىمدەرىن ەكسپورتتاعان. بۇل كورسەتكىش 2020 -جىلدىڭ سايكەس كەزەڭىمەن سالىستىرعاندا % 33,6- عا كوپ.
«قازاقستاندىق ماشينا جاساۋ ونىمدەرىنىڭ نەگىزگى نارىقتارى - ت م د ەلدەرى مەن ءبىرقاتار ە و ەلدەرى، ا ق ش جانە ۇلى بريتانيا. 2021 -جىلى يمپورتتاۋشىلاردىڭ العاشقى بەستىگىنە رەسەي، وزبەكستان، قىرعىزستان، بەلگيا جانە تۇرىكمەنستان كىردى. ءوندىرىستى ارتتىرۋ ارقىلى 2025 -جىلى ماشينا جاساۋ ونىمدەرىنىڭ ەكسپورتىن 2,9 ميلليارد ا ق ش دوللارىنا دەيىن جەتكىزەمىز دەپ ۇمىتتەنەمىز»، - دەدى سپيكەر.
ونىڭ ايتۋىنشا، ماشينا جاساۋ سالاسىندا ەڭ كوپ ەكسپورتتالاتىن تاۋار اراسىندا مويىنتىرەكتەر بار، ولاردىڭ شامامەن % 93- ى ەكسپورتقا جىبەرىلەدى.
«سونىمەن بىرگە، سىرتقى نارىقتاردا % 72 ەكسپورتتالاتىن وتاندىق ەلەكتر اككۋمۋلياتورلارىنا جانە تەڭ جارتىسى ەكسپورتتالاتىن ترانسفورماتورلارعا جاقسى سۇرانىستى كورىپ وتىرمىز. رەسەي نارىعىنا كەلسەك، ونداعى بارلىق ۆاگون- سيستەرنا يمپورتىنىڭ شامامەن % 96 - قازاقستاندىق ءونىم. رەسەيلىك مويىنتىرەكتەر يمپورتىنىڭ دا شامامەن % 45- ىن ءبىزدىڭ وتاندىق تاۋارلار قۇرايدى. وزبەكستان نارىعىنا دا جەتكىزىلەتىن قازاقستاندىق كوندەنساتورلار ۇقساس تاۋارلار يمپورتىنىڭ جارتىسىنان استامىن قۇرايدى. بۇل رەتتە وزبەكستانمەن وتاندىق اۆتوموبيل جاساۋدى دامىتۋ سالاسىندا جاقسى قارىم- قاتىناس ورناعانىن ايتقىم كەلەدى»، - دەدى جانەل كۋشۋكوۆا.
اۆتور: ايجان سەرىكجان قىزى