دەپۋتات ەگىستىكتەردى سۋارۋ جەلىسى ابدەن توزعانىن ايتتى

نۇر-سۇلتان. قازاقپارات - سۋارمالى جەرلەردى قالپىنا كەلتىرۋ بويىنشا ناقتى شارالار قابىلدانعان جوق.

بۇل تۋرالى بۇل تۋرالى ءماجىلىستىڭ جالپى وتىرىسىندا دەپۋتات قاينار اباسوۆ ءمالىم ەتتى، دەپ حابارلايدى قازاقپاراتت ءتىلشىسى.

«بۇگىنگى تاڭدا سۋ رەسۋرستارىن ءتيىمسىز پايدالانۋ وزەكتى ماسەلە بولىپ وتىر. اتاپ ايتقاندا، بۇل سۋدى كوپ قاجەت ەتەتىن ەسكىرگەن وندىرىستىك تەحنولوگيالاردى قولدانۋ جانە تاسىمالداۋ كەزىندە سۋ شىعىنىنىڭ جوعارى دەڭگەيى (%60 عا دەيىن). جالپى، رەسپۋبليكالىق مەنشىكتە ۇزاقتىعى شامامەن 20 مىڭ شاقىرىم بولاتىن 3298 سۋارۋ جەلىسى بار، ونىڭ 11,9 مىڭ شاقىرىمى توزىعى جەتكەن، سونىڭ سالدارىنان اۋىل شارۋاشىلىعى جەرلەرى سۋارمالى سۋمەن تولىق قامتاماسىز ەتىلمەيدى. ناتيجەسىندە، «Nur Otan» پارتياسىنىڭ سايلاۋالدى باعدارلاماسىن ورىنداۋ جونىندەگى جول كارتاسىنا سايكەس، 600 مىڭ گەكتار جاڭا سۋارمالى جەرلەردى يگەرۋدىڭ جانە ولاردى 2,2 ملن گەكتارعا دەيىن جەتكىزۋدىڭ ورنىنا ءىس جۇزىندە قولدا بار سۋارمالى جەرلەر ازايىپ كەلەدى. ال سۋارمالى جەرلەردى قالپىنا كەلتىرۋ بويىنشا ناقتى شارالار بۇگىنگى كۇنگە قابىلدانعان جوق»، - دەدى ق. اباسوۆ پرەمەر-ءمينيستردىڭ ورىنباسارى رومان سكلياردىڭ اتىنا جولداعان ساۋالىندا.

ونىڭ پايىمىنشا، قارقىندى تەحنولوگيالاردى ەنگىزۋ 1 گەكتاردان 10 ميلليون تەڭگەگە دەيىن تابىستى ارتتىرۋعا مۇمكىندىك بەرەدى. ۇلگى ەسەبىندە تۇركىستان وبلىسىندا بىرنەشە شارۋاشىلىقتاردىڭ جەتىستىكتەرىن بايقاۋعا بولادى.

«سوندىقتان جوعارىدا اتالعان پروبلەمالار ەلدىڭ ازىق- تۇلىك قاۋىپسىزدىگى تۇرعىسىنان وتە ماڭىزدى جانە جان-جاقتى، كەشەندى، ستراتەگيالىق شەشىمدەر قابىلداۋدى تالاپ ەتەدى. يرريگاتسيالىق جۇيەلەردى قالپىنا كەلتىرۋمەن بىرگە، زاماناۋي ىلعال ۇنەمدەۋ تەحنولوگيالارىن جاپپاي ەنگىزۋ قاجەت. ءبىراق مۇندا دا پروبلەمالار بار - بۇل ەلەكتر ەنەرگياسىنىڭ جانە قاجەتتى ينفراقۇرىلىمنىڭ قىمباتتىلىعى»، - دەدى دەپۋتات.

وسىعان بايلانىستى، جوعارىدا اتالعان پروبلەمالاردى شەشۋ ءۇشىن كەلەسى شەشىمدەردى قابىلداۋ قاجەت:

- قازىرگى زامانعا ساي يرريگاتسيالىق جۇيەلەردى سالۋ جانە پايدالانىستاعى جۇيەلەردى جاڭعىرتۋ. ناتيجەسىندە، بۇل كانالداردىڭ قۇرىلىسى جانە ولاردىڭ ۇزاقتىعى بويىنشا ەسەپ ەمەس، سۋارمالى سۋمەن تولىق قامتاماسىز ەتىلگەن جەرلەردىڭ كولەمى بولۋ كەرەك.

- سۋ ۇنەمدەۋ تەحنولوگيالارىن ەنگىزۋدە قولدانىستاعى ساتىپ الۋعا جانە قۇرىلىسقا بەرىلەتىن سۋبسيديانىڭ كولەمىن %50 ورنىنا %80 عا دەيىن ۇلعايتۋ قاجەت. سۋ ۇنەمدەۋ تەحنولوگياسىنىڭ قاجەتتىلىكتەرى ءۇشىن بالامالى ەنەرگيا كوزدەرىن سالۋدى سۋبسيديالاۋ قاجەت.

- «قازسۋشاردىڭ» جاۋاپكەرشىلىگى سۋارمالى سۋدىڭ جەتكىزىلەتىن كولەمى بويىنشا ەمەس، سۋارمالى سۋمەن قامتاماسىز ەتىلگەن جەردىڭ كولەمى بويىنشا بولۋ كەرەك.

- يرريگاتسيالىق جۇيەلەردى سالۋ كەزىندە مەملەكەتتىك- جەكەشەلىك ارىپتەستىگىن ەنگىزۋ ارقىلى ينۆەستيتسيالار تارتۋدى قامتاماسىز ەتۋ.