+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

ءبىر جارىم عاسىرداعى ەڭ قۋاتتى جەر سىلكىنىسى تىركەلدى - ۆيدەو

22 قىركۇيەك 13:05
:ءبولىسۋ
ءبىر جارىم عاسىرداعى ەڭ قۋاتتى جەر سىلكىنىسى تىركەلدى - ۆيدەو

نۇر-سۇلتان. قازاقپارات - اۋستراليانىڭ مەلبۋرن قالاسىندا ماگنيتۋداسى 6,0 بولاتىن قاتتى جەر سىلكىنىسى بولدى، - دەپ حابارلايدى Reuters اگەنتتىگى.

جەر سىلكىنىسىنىڭ ەپيسەنترى مەلبۋرننان سولتۇستىك- شىعىسقا قاراي 200 شاقىرىم جەردە ۆيكتوريا شتاتىنداعى مەنسفيلد قالاسىنىڭ جانىندا بولدى. ەلدىڭ گەولوگيالىق قىزمەتىنىڭ مالىمەتىنشە، جەر استى دۇمپۋلەرىنىڭ وشاعى ەكى شاقىرىم تەرەڭدىكتە بولعان.

اگەنتتىكتىڭ حابارلاۋىنشا، ەلدەگى ەڭ كۇشتى جەر سىلكىنىسى كورشى قالاداعى عيماراتتاردىڭ قيراۋىنا اكەلىپ سوقتى جانە كورشى شتاتتاردا دۇمپۋلەر تۋدىردى.

الەۋمەتتىك جەلىلەردە تارالعان سۋرەتتەر مەن ۆيدەولاردا مەلبۋرننىڭ باستى كوشەلەرىنىڭ ءبىرى قيراعانىن، ال قالانىڭ سولتۇستىك اۋداندارىنىڭ تۇرعىندارى ەلەكتر قۋاتىنسىز قالعانىن كورۋگە بولادى.

«مۇنداي سيپاتتاعى جەر سىلكىنىسى وتە الاڭداتارلىق جاعداي تۋدىرۋى مۇمكىن. اۋستراليادا بۇنداي جاعداي وتە سيرەك كەزدەسەدى، سوندىقتان ادامدار قاتتى الاڭداپ وتىرعانىنا سەنىمدىمىن. قازىرگى ۋاقىتتا بىزدە اۋىر جاراقاتتار نەمەسە ودان دا اۋىر جاعدايلار تۋرالى حابارلامالار بولعان جوق. ءبىز ءۇشىن بۇل وتە جاقسى جاڭالىق»، - دەدى اۋستراليا پرەمەر-ءمينيسترى سكوتت مورريسون.

جەر سىلكىنىسى وڭتۇستىك اۋستراليا شتاتىنان باتىسقا قاراي 800 شاقىرىم جەردە ورنالاسقان ادەلايدا قالاسى مەن جاڭا وڭتۇستىك ۋەلستەن سولتۇستىككە قاراي 900 شاقىرىم جەردە ورنالاسقان سيدنەيدە دە سەزىلدى. اۋستراليانىڭ 25 ميلليون حالقىنىڭ جارتىسىنان كوبى ەلدىڭ وڭتۇستىك- شىعىسىندا ادەلايدادان مەلبۋرن مەن سيدنەيگە دەيىنگى ارالىقتا تۇرادى.

مەلبۋرن بيلىگى قالا ورتالىعىنداعى بيىك ۇيلەردىڭ تۇرعىندارىن ەۆاكۋاتسيالادى، سونىمەن قاتار قالا كوشەلەرىندەگى عيماراتتار مەن جولدارعا شامالى زاقىم كەلگەنى تۋرالى حابارلامالار بار.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات