يراننان كوشىپ كەلگەن قانداستار سولتۇستىك وڭىرگە قونىستاندىرىلۋدا

نۇر- سۇلتان. قازاقپارات - يران يسلام رەسپۋبليكاسىنان كوشىپ كەلگەن 53 قانداسىمىز سولتۇستىك قازاقستان وبلىسىنا قونىستاندىرىلادى. بۇل تۋرالى قازاقپارات وتانداستار قورىنا سىلتەمە جاساپ حابارلايدى.

يراننان كەلگەن قانداستارىمىزعا نۇر- سۇلتان قالاسىنىڭ كورىكتى جەرلەرىنە ەكسكۋرسيا وتكىزىلىپ، ارنايى اس بەرىلدى. ەندى يراننان كەلگەن قانداستار مەملەكەت ۇسىناتىن وڭىرلىك كۆوتا اياسىندا سولتۇستىك قازاقستان وبلىسىنا قونىستانادى. بۇعان دەيىن 14- قىركۇيەكتە قازاقستانعا قونىس اۋدارۋشىلاردىڭ العاشقى لەگى كەلگەن ەدى. بارلىق 13 ادامدى (3 وتباسى) سولتۇستىك قازاقستان وبلىسىنا ورنالاستىرىلدى.

اتالمىش كوش ق ر سىرتقى ىستەر مينيسترلىگى، ەلىمىزدىڭ يرانداعى ەلشىلىگى جانە گورگان قالاسىنداعى باس كونسۋلدىعى مەن دۇنيەجۇزى قازاقتارىنىڭ قاۋىمداستىعى جانە «وتانداستار قورى» ك ە ا ق ۇيىمداستىرۋىمەن، ماڭعىستاۋ جانە سولتۇستىك قازاقستان وبلىستارى اكىمدىكتەرىنىڭ قولداۋىمەن جۇزەگە اسىرىلۋدا.