الماتىداعى جاعداي مەملەكەت پەن قوعامدى ويلاندىرۋى قاجەت - ەرلان سايروۆ
ونىڭ ايتۋىنشا، سوت شەشىمدەرى ادىلەتتى، تۇسىنىكتى بولۋى ءتيىس. بۇل بۇگىنگى ۇلكەن پروبلەما.
«ەلىمىزدە زاڭدىلىق بولۋى كەرەك. «زاڭ قاتال، ءبىراق ول زاڭ» ءپرينتسيپى ۋنيۆەرسالدى باپ. دەگەنمەن، زاڭنىڭ ءوزى ادىلەتتىلىك پرينتسيپىنە نەگىزدەلۋى ءتيىس»، - دەپ جازدى ول.
ەرلان سايروۆ سوت شەشىمدەرى ادىلەتتى، تۇسىنىكتى بولۋى ءتيىس ەكەنىن تىلگە تيەك ەتتى.
«ادىلدىك، گۋمانيزم ارقىلى عانا زاڭنىڭ تولىق ورىندالۋىن قامتاماسىز ەتۋگە بولادى. ءبىراق، رەتسيديۆيست، سەپاراتيست، زورلىق- زومبىلىققا جاقىن، ادامنىڭ الا ءجىبىن اتتايتىن ازاماتتارعا زاڭ وتە قاتال بولۋى ابزال. قاراپايىم، زاڭدى ورىندايتىن، ەڭبەكقور ادامنىڭ مۇددەسىن قورعايتىن زاڭدار كەرەك. سوت شەشىمدەرى ادىلەتتى، تۇسىنىكتى بولۋى ءتيىس. بۇل بۇگىنگى ۇلكەن پروبلەما. زاڭ قاتال، ءبىراق تازا، كىرشىكسىز، ادال ادامدار جاعىندا بولۋى قاجەت، - دەدى دەپۋتات.
ايتا كەتەيىك، الماتىدا اتىس بولىپ، 5 ادام قازا تاپتى. اتالعان جاعداي بويىنشا سوتقا دەيىنگى تەرگەۋ امالدارى باستالدى. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.