+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

انگەلا مەركەل مانسابىن اياقتايدى

22 قىركۇيەك 08:02
:ءبولىسۋ
انگەلا مەركەل مانسابىن اياقتايدى

نۇر-سۇلتان.قازاقپارات - انگەلا مەركەل ساياسي مانسابىن اياقتاۋعا جاقىن. 16 جىل بويى ەل بيلەگەن ساياساتكەر بەسىنشى مەرزىمگە بارمايتىن بولدى.

ەندى گەرمانيا جۇرتى جاڭا كانسلەردى سايلايدى. ۇزاق ۋاقىت ەۋرووداقتىڭ ەڭ ءىرى ەكونوميكاسىن باسقارعان مەركەل بيلىكتەن كەتكەن سوڭ قانداي كاسىپپەن اينالىسادى؟ ماماندىعى فيزيك بولسا دا انگەلا مەركەل جاس كەزىنەن ساياساتقا قىزىعىپ، بيلىكتىڭ شىڭىنا شىقتى. مانسابىن پارتيانىڭ قاراپايىم مۇشەسىنەن باستاعان ول، اقىرى كوشباسشىسىنا اينالادى. گەرمانيادا كانسلەر بولىپ سايلانعان العاشقى ايەل اتاندى. الەمدەگى ەڭ قۋاتتى مەملەكەتتىڭ ءبىرىن 16 جىل ۇزدىكسىز باسقاردى. ساياسات تانۋشىلاردىڭ ايتۋىنشا، مەركەل بيلىگىن نەمىس ساياساتىنداعى بولەك ءبىر ءداۋىر دەپ سيپاتتاۋعا بولادى. مەركەلدى الەم باسشىلارى قادىرلەپ، ەل تۇرعىندارى قۇرمەتتەدى.

– بەرىك جانە تىنىش. مەركەل بيلىگى ءداۋىرىن وسىلاي سيپاتتار ەدىم.

- شەتەلدىكتەردىڭ كوبى ونى ەكىنشى انا دەپ اتايدى. - ول مۇلدەم اتاققۇمار ەمەس. بۇعان تاڭقالامىن. ۇنەمى بىزبەن بىرگە بولدى. ويى ايقىن، زيالى ادام، قازىردىڭ وزىندە ونى ساعىنا باستادىم.

مەركەلدىڭ باسقارۋىمەن گەرمانيا ەكونوميكاسى ورلەپ، بىرىككەن ەۋروپانىڭ قوزعاۋشى كۇشىنە اينالدى. الايدا كەيدە سىنعا دا ىلىكتى. اسىرەسە گەرمانيا ءبىر ميلليوننان اسا بوسقىن قابىلداعان ميگراتسيالىق داعدارىس كەزىندە. دەگەنمەن، وسىعان قاراماستان حالىق ونى ءتورتىنشى مەرزىمگە سايلادى. ەندى كوپ ۇزاماي مەركەل بيلىك تىزگىنىن جاڭا تۇلعاعا تاپسىرۋى ءتيىس.

اندرەاس يان، بۋندەستاگتىڭ حالىقارالىق ىستەر كوميتەتىنىڭ پارلامەنتتىك حاتشىسى:

- مەركەل گەرمانيانى كۇشتى ءارى تۇراقتى مەملەكەتكە اينالدىردى. ەلدىڭ بەدەلىن كوتەردى، الەمدە ءبىزدى سەنىمدى سەرىكتەس سانايدى. كانتسلەر ىقىلاسپەن ەڭبەك ەتىپ، بارلىق ساۋالدارعا مۇقيات قارايتىن.

شىنىن ايتساق، پارتيالاستارى مەن نەمىستەردىڭ كوبى مەركەلدىڭ جاڭا مەرزىمگە سايلانبايتىنىنا وكىنىپ وتىر. ولارعا كانتسلەر قۇرعان تۇراقتىلىق پەن بيلىك مانەرى ۇنايتىن.

زەينەتكە كەتەتىن ساياساتكەر ايىنا شامامەن 15 مىڭ ەۋرو الىپ تۇرادى. ءبىراق دەمالىستا ول نەمەن اينالىسپاق؟ مۇنى ءتىپتى پارتياداعى جاقىن ۇزەڭگىلەستەرى دە بىلمەيدى.

www.24.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات