+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

سولتۇستىك قازاقستاندا «اتا جولى» ءادىسىن ۇستانعان «ەمشى» جاۋاپكەرشىلىككە تارتىلدى

22 قىركۇيەك 07:46
:ءبولىسۋ
سولتۇستىك قازاقستاندا «اتا جولى» ءادىسىن ۇستانعان «ەمشى» جاۋاپكەرشىلىككە تارتىلدى

پەتروپاۆل. قازاقپارات - سولتۇستىك قازاقستان وبلىسىندا پوليتسەيلەر ەلىمىزدە تىيىم سالىنعان «اتا جولى» اعىمىنىڭ ءادىسى بويىنشا جۇرتتى «ەمدەگەن» ايەلدى ۇستادى، دەپ حابارلايدى قازاقپارات ءتىلشىسى.

س ق و پوليسيا دەپارتامەنتى باسپا ءسوز قىزمەتىنىڭ مالىمەتىنشە، ەكسترەميزمگە قارسى ءىس- قيمىل باسقارماسىنىڭ قىزمەتكەرلەرى جەدەل ءىس- شارا بارىسىندا تىيىم سالىنعان «اتا جولى» كۋلتتىك- ميستيكالىق اعىمنىڭ ءادىسى بويىنشا «ەمشىلىكپەن» اينالىسىپ، ادامداردىڭ دەنساۋلىعىنا قاۋىپ توندىرگەن قىزىلجار اۋدانى تۇرعىنىن ۇستادى.

قۇقىق بۇزۋشىعا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 489-بابى 10-بولىگى «قازاقستان رەسپۋبليكاسىنىڭ قوعامدىق بىرلەستىكتەر تۋرالى زاڭناماسىن بۇزۋ، سونداي- اق قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلمەگەن قوعامدىق، دىني بىرلەستىكتەردىڭ قىزمەتىنە باسشىلىق جاساۋ، قاتىسۋ، ولاردىڭ قىزمەتىن قارجىلاندىرۋ» بويىنشا حاتتاما تولتىرىلدى.

«جالپى جىل باسىنان وبلىستا ق ر ءدىني زاڭناماسىن بۇزۋدىڭ 16 دەرەگى تىركەلدى. ءجيى كەزدەسەتىن قۇقىق بۇزۋشىلىقتار ينتەرنەتتە ءدىني ماتەريالداردى جاريالاۋعا قاتىستى. مۇنىمەن كۇرەسۋ ءۇشىن باسقارما قىزمەتكەرلەرى پروفيلاكتيكالىق جۇمىس جۇرگىزەدى. ءبىلىم بەرۋ مەكەمەلەرىنىڭ وقۋشىلارىمەن، ۇيىمداردىڭ ەڭبەك ۇجىمدارىمەن كەزدەسۋ كەزىندە زاڭناما تالاپتارى، ەكسترەميستىك اعىمداردىڭ تاراپىنان بولاتىن قاۋپى تۋرالى ايتىلادى. تۇرعىنداردان زاڭناما تالاپتارىن قاتاڭ ساقتاۋدى سۇرايمىز»، - دەيدى س ق و پ د ە ق ى ق ب باستىعى رۋسلان جاراسبايەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات