تاەكۆوندوشى جانسەل دەنيز حالىقارالىق تۋرنيردىڭ جەڭىمپازى اتاندى

اتىراۋ. قازاقپارات - قازاقستان قۇراماسىنىڭ مۇشەسى، تاەكۆوندوشى جانسەل دەنيز تۇركيادا وتكەن حالىقارالىق تۋرنيردىڭ جەڭىمپازى اتاندى، دەپ حابارلايدى قازاقپارات.

اتىراۋ وبلىستىق سپورت جانە دەنە شىنىقتىرۋ باسقارماسى باسپا ءسوز قىزمەتىنىڭ اقپاراتىنا قاراعاندا، جاقىندا ىستانبۇل قالاسىندا تاەكۆوندودان «WT President' s Cup Euroре « حالىقارالىق رەيتينگ تۋرنيرى وتكەن.

«بۇل تۋرنيرگە تاەكۆوندودان قازاقستان قۇراماسىنىڭ ەكى سپورتشىسى قاتىستى. سونىڭ ءبىرى - جانسەل دەنيز. ايەلدەر اراسىنداعى سايىستا 73 كەلىگە دەيىنگى سالماق دارەجەسىندە باق سىناعان ول قارسىلاستارىنىڭ ءبارىن قاپى قالدىرىپ، التىن مەدالعا يە بولدى» - دەپ حابارلادى باسقارمانىڭ باسپا ءسوز قىزمەتى.

ەسكە سالا كەتەلىك، بۇدان بۇرىن اتىراۋلىق كيك وكسشى الەم كۋبوگىن ەكىنشى رەت يەلەنگەنىن حابارلاعان ەدىك.