+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

پورتۋگاليا جۇرتشىلىعى قازاقستانمەن تانىسۋدا

21 قىركۇيەك 22:29
:ءبولىسۋ
پورتۋگاليا جۇرتشىلىعى قازاقستانمەن تانىسۋدا

نۇر-سۇلتان. قازاقپارات - 20- قىركۇيەك كۇنى قازاقستان ەلشىسى داۋلەت باتىراشيەۆ كاموەنش اتىنداعى پورتۋگاليانىڭ حالىقارالىق ىنتىماقتاستىق جانە ءتىل ينستيتۋتىنىڭ پرەزيدەنتى جواۋ ريبەيرۋ دە المەيدامەن بىرگە ليسسابوندا «قازاقستان - تاۋەلسىزدىككە 30 جىل، تاريحقا 556 جىل» اتتى كورمەنى اشتى.

اتالمىش شارا قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي ۇيىمداستىرىلدى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

اشىلۋ سالتاناتىندا وتاندىق ديپلومات ەلىمىزدىڭ تاۋەلسىزدىك جىلدارىنداعى باستى جەتىستىكتەرى مەن حالىقارالىق ساحناداعى اسەرلى تابىستارى تۋرالى ايتىپ، كورمە پورتۋگال اۋديتورياسى ءۇشىن كوشپەلى وركەنيەتتىڭ مۇراگەرى بولىپ تابىلاتىن قازاقستانمەن تانىسۋعا جاقسى مۇمكىندىك بولاتىنىن اتاپ ءوتتى.


ءىس-شارا بارىسىندا قازاقستان ەلشىسى مەملەكەتىمىزدە تۇراقتى ەكونوميكالىق ءوسىم مەن ازاماتتارىمىزدىڭ ءال-اۋقاتىن قامتاماسىز ەتۋگە باعىتتالعان ەكونوميكالىق جانە ساياسي رەفورمالاردان حاباردار ەتتى جانە پورتۋگال تىلىنە اۋدارىلعان پرەزيدەنت قاسىم-جومارت توقايەۆتىڭ «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىن كوپشىلىككە تانىستىردى.

ءوز كەزەگىندە، كاموەنش ينستيتۋتىنىڭ باسشىسى قازاقستاندىق كورمەنىڭ اشىلۋىمەن قۇتتىقتاي وتىرىپ، وسى ەكسپوزيتسيا پورتۋگالدىقتار اراسىندا قازاقستان تۋرالى حاباردارلىعىن كەڭەيتۋگە، مادەني-گۋمانيتارلىق ىنتىماقتاستىقتى دامىتۋعا جانە حالىقتار اراسىنداعى دوستىق بايلانىستاردى نىعايتۋعا كومەكتەسەتىنىنە سەنىم ءبىلدىردى جانە قازاقستاندىق ەكسپوزيتسيا پورتۋگاليا استاناسىنىڭ مادەني ومىرىنە ءوز ۇلەسىن قوساتىنى ءسوزسىز ەكەندىگىن ايتتى.

كورمە جۇرتشىلىققا ەكى اپتا بويى اشىق بولادى. كەلۋشىلەر قازاقستان تابيعاتىنىڭ اسەمدىگىمەن، شەكسىز كەڭىستىگىمەن، تابيعي قورىقتارىمەن جانە تاريحىمەن، استاناسى - نۇر-سۇلتان قالاسىمەن، تۇركى الەمىنىڭ تاريحي مادەني ورتالىعى - تۇركىستان قالاسى مەن قوجا احمەت ياسساۋي كەسەنەسىمەن، سونداي-اق قازاقستان تۋرالى كوپتەگەن كىتاپتارىمەن، سونىڭ ىشىندە تۇڭعىش پرەزيدەنت - ەلباسى نۇرسۇلتان نازاربايەۆتىڭ «تاۋەلسىزدىك ءداۋىرى» جانە «قازاقتىڭ كاموەنشى» - اباي قۇنانباي ۇلىنىڭ «قارا سوزدەرى» پورتۋگال تىلىندەگى كىتاپتارىمەن تانىسا الادى.

قازاقستاندىق ەكسپوزيتسيا ەكى ەل حالىقتارىنىڭ ءوزارا تانىمى مەن مادەني الماسۋىنىڭ جاقسى داستۇرلەرىن جالعاستىرىپ، كەلۋشىلەرگە بۇرىننان كەلە جاتقان ساياحات داستۇرلەرىن جالعاستىرۋعا جانە ۇلى دالا ەلى اشاتىن جاڭا كوكجيەكتەردى كورۋگە مۇمكىندىك بەرەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات