قازاقستاندىق چەمپيوننىڭ ولىمىنەن كەيىن باپكەرى سۇحبات بەردى

نۇر-سۇلتان. قازاقپارات - اۋىر اتلەتيكادان قازاقستان قۇراماسىنىڭ باپكەرى ك ت ك ارناسىنا بەرگەن سۇحباتىندا ءوزىنىڭ تالىمگەرى البەرت ليندەردىڭ ولىمىنە قاتىستى پىكىر ءبىلدىردى.

«دوپينگ باقىلاۋشى كەلەدى، بانكىلەردى الادى، نومىرلەردى، پاراقتى بەرەدى. ءنومىرى بار سپورتشىعا ءبارىن جيىپ بەرەدى. ول بەس باقىلاۋ سىناماسىن تاپسىردى. تورتەۋى تازا بولدى. ال بەسىنشىسى لاس بولىپ شىقتى. وسىلايشا، وليمپيادا ويىندارىنا بارا المادى»، - دەيدى سەدوۆ.

باپكەردىڭ سوزىنشە، قۇراما كوماندا اۋىر كۇندەردى باسىنان كەشىپ جاتتى. البەرتكە دە وڭاي بولعان جوق.

«ول كەزدە البەرت ادام تانىماستاي بولىپ كەتتى. ونى بوساتتىم. بۇل تارازدا بولعان وقيعا. جاتتىعۋدان بوساتتىم، ءبىز ساعاتتاپ اڭگىمەلەستىك. سول كەزدە ايتقانى: «كەرەك ەمەس ماعان مۇنداي، مىناۋ ريو. بارىپ جۇمىس ىستەيمىن ودان دا، باسقا دۇنيەمەن اينالىسارمىن، ءبىراق، بۇل جولدى قايتالاپ وتكىم كەلمەيدى».

البەرت ليندەردىڭ ءولىمى جايلى 17- قىركۇيەكتە بەلگىلى بولدى. كەيىننەن سپورتشى وزىنە قول سالعانى تۋرالى اقپارات تارادى. پوليتسيا بۇل وقيعا بويىنشا قىلمىستىق ءىس باستادى.