ەلورداداعى ءورت: قازا بولعاندار مەن زارداپ شەككەندەر جوق

نۇر-سۇلتان. قازاقپارات - ەلوردادا تۇران داڭعىلىنىڭ بويىنداعى عيماراتتاردىڭ بىرىنەن ءورت شىقتى، دەپ حابارلايدى قازاقپارات نۇر-سۇلتان قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

سوڭعى مالىمەتكە ساي، ەلوردالىق ءورت سوندىرۋشىلەردىڭ كۇشىمەن ءورت ساعات 19:10 مينۋتتا اۋىزدىقتالدى.

ءورت شامامەن 60 شارشى مەتردى شارپىعان. قازا بولعاندار مەن زارداپ شەككەندەر جوق.

ايتا كەتەيىك، 18:33 مينۋتتا نۇر-سۇلتان قالاسىنىڭ توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى تۇران داڭعىلى 37/10 مەكەنجايىندا بولعان ءورت ورنىنا جەكە قۇرامنان 44 ادام مەن 11 تەحنيكاسى شاقىرتۋعا شىقتى.

الدىن الا اقپارات بويىنشا عيماراتتىڭ شاتىرى جانە قاپتاۋى جانعان.