الماتىدا نان باعاسى قىمباتتاي ما؟
الماتى قالاسىنىڭ كاسىپكەرلىك جانە ينۆەستيتسيالار باسقارماسىنىڭ مالىمەتىنشە، قالادا جەلتوقسان ايىنا دەيىن نان باعاسىنىڭ ءوسۋى بولجانبايدى. قازىرگى تاڭدا الماتىدا ءبىر بولكە ناننىڭ (فورمالىق) باعاسى 75-90 تەڭگە تۇرادى. بۇل — ەلىمىزدەگى ەڭ تومەن باعالاردىڭ ءبىرى.
«بۇل كورسەتكىشكە الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ءۇشىن ىستەلىپ جاتقان شارالار ارقىلى قول جەتكىزىلدى. «اقساي» نان-توقاش كومبيناتى» ج ش س- عا بەلگىلەنگەن شەكتى ساتۋ باعاسى ءبىر بولكە ءۇشىن 75 تەڭگە دەڭگەيىندە الەۋمەتتىك نان (فورمالىق، 1- سۇرىپتى ۇننان) ءوندىرۋ ءۇشىن جەڭىلدىكپەن 1 ميلليارد تەڭگە سوماسىندا قارىز بەرىلدى»، - دەپ حابارلادى باسقارمادان.
سونداي-اق، اكىمدىكتە ناننىڭ تومەن باعاسى قالاي قامتاماسىز ەتىلەتىنى ايتىلدى.
«ناننىڭ تومەن باعاسىن قامتاماسىز ەتۋ «اقساي» نان-توقاش كومبيناتى» ج ش س- مەن جەڭىلدەتىلگەن قارىز تۋرالى شارت جاساسۋعا بايلانىستى، سونداي-اق، بارلىق ساۋدا جەلىلەرىن، 3000 نان استام دۇكەندەر مەن ديستريبيۋتورلاردىڭ كومەگىمەن ءىشىنارا ازىق-تۇلىك بازارلارىن «اقساي» ونىمدەرىمەن قامتۋ ەسەبىنەن جۇرگىزىلۋدە. ۇقساس جاعداي، «تويمارت» ساۋدا جەلىسىمەن سورەدەگى ءبىر بولكە ءۇشىن بەكىتىلگەن 75 تەڭگە باعاسىمەن 940 توننا ناندى ساتۋ تۋرالى كەلىسىم شارت جاسالدى»، - دەپ تولىقتىردى اكىمدىك.