قازاقستاندا كىرىستەر تۋرالى دەكلاراتسيانى جاساۋ ەرەجەلەرى بەكىتىلدى

نۇر-سۇلتان. قازاقپارات - ق ر قارجى ءمينيسترى ءتيىستى بۇيرىقپەن جەكە تۇلعالاردىڭ كىرىستەرى مەن مۇلكى تۋرالى دەكلاراتسيانىڭ فورمالارىن جانە ونى جاساۋ ەرەجەلەرىن بەكىتتى، دەپ حابارلايدى قازاقپارات.

قارجى مينيسترلىگى تاراتقان مالىمەتتەرگە قاراعاندا، اكتيۆتەر مەن مىندەتتەمەلەر تۋرالى دەكلاراتسيا 2021-جىلدان باستاپ ەسەپتى سالىق كەزەڭىنىڭ 31- جەلتوقسانداعى جاعداي بويىنشا جىل سايىن ۇسىنىلادى.

ياعني: جاۋاپتى مەملەكەتتىك قىزمەتتەگى تۇلعالار جانە ولاردىڭ جۇبايلارى؛

مەملەكەتتىك فۋنكسيالاردى ورىنداۋعا ۋاكىلەتتى تۇلعالار جانە ولاردىڭ جۇبايلارى؛

مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن ادامدار مەن ولاردىڭ جۇبايلارى؛

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا جانە «بانكتەر جانە بانك قىزمەتى تۋرالى»، «ساقتاندىرۋ قىزمەتى تۋرالى»، «باعالى قاعازدار نارىعى تۋرالى»، «سىبايلاس جەمقورلىققا قارسى ءىس-قيمىل تۋرالى» زاڭدارعا سايكەس دەكلاراتسيانى تابىس ەتۋ مىندەتى جۇكتەلگەن تۇلعالار.