20:29, 21 - قىركۇيەك 2021 | GMT +6
ەلباسى «استانا» ح ق و- سىن باسقارۋ جونىندەگى كەڭەس ءتوراعاسىنىڭ ورىنباسارى سۋما چاكرابارتيمەن كەزدەستى
نۇر-سۇلتان. قازاقپارات - نۇرسۇلتان نازاربايەۆ «استانا» حالىقارالىق قارجى ورتالىعىن باسقارۋ جونىندەگى كەڭەس ءتوراعاسىنىڭ ورىنباسارى سۋما چاكرابارتيمەن كەزدەستى، دەپ حابارلايدى elbasy.kz.
كەزدەسۋدە تاراپتار پاندەميا جاعدايىنداعى الەم ەكونوميكاسىنىڭ ودان ءارى دامۋ پەرسپەكتيۆاسىنا قاتىستى پىكىر الىستى.
ەلباسى الەمدە ەپيدەميولوگيالىق احۋالدىڭ ناشارلاۋى جاڭا داعدارىسقا اكەپ سوعۋى مۇمكىن ەكەنىن ايتتى.
- بۇگىندە پاندەميا سالدارىنان كۇردەلى كەزەڭ قالىپتاسىپ وتىر. وسىلاي جالعاسا بەرسە، جاڭا داعدارىستار تۋىنداۋى ىقتيمال. قازىردىڭ وزىندە قارىز داعدارىسى پايدا بولدى، ينفلياتسيا داعدارىسى بەلەڭ الىپ، ەنەرگيا رەسۋرستارى ارزاندايدى دەگەن بولجام بار، - دەدى نۇرسۇلتان نازاربايەۆ.
اڭگىمە بارىسىندا تاراپتار وڭىردەگى ەكونوميكالىق جاعدايدىڭ دامۋ بولجامدارىن، سونداي-اق سىن-قاتەرلەردىڭ الدىن الۋ شارالارىن ازىرلەۋ ماسەلەلەرىن تالقىلادى.