برازيليا پرەزيدەنتىن نيۋ- يوركتەگى مەيرامحاناعا كىرگىزبەي قويدى
ويتكەنى ول كوروناۆيرۋسقا قارسى ۆاكسينا سالعىزباعان. ال شاھارداعى سانيتارلىق تالاپ بويىنشا ەكپەسى جوق ازاماتتار مەيرامحانا ىشىندە تاماقتانا المايدى. سوندىقتان مەملەكەت باسشىسى جانىنداعى بىرنەشە مينيسترمەن سىرتتا وتىرىپ، اس ىشكەن. نەگىزى جاير بولسونارۋ ەكى كۇن بۇرىن عانا تۋرا وسىنداي جاعدايعا تاپ بولعان.
ايتا كەتكەن ءجون، قازىر نيۋ- يوركتە ب ۇ ۇ- نىڭ باس اسسامبلەياسى ءوتىپ جاتىر. جاير بولسونارۋ سوعان قاتىسۋ ءۇشىن كەلگەن. باس اسسامبلەيا زالىنا كىرۋ ءۇشىن ۆاكسينا سالدىرعان- سالدىرماعاندى راستاۋدىڭ قاجەتى جوق.
نەگىزى كوبى وسى برازيليا پرەزيدەنتىن «كوروناۆيرۋس قاۋپىن جەتە باعالامايدى» دەپ قاتاڭ سىنعا الادى. ماسەلەن، باسقا ەلدەر كارانتين تالاپتارىن كۇشەيتىپ جاتقاندا ول كەرىسىنشە شتات باسشىلارىنا شەكتەۋلەردى الىپ تاستاۋعا بۇيرىق بەرگەن. ءسويتىپ ءجۇرىپ بىلتىر پرەزيدەنت ءوزى كوروناۆيرۋسپەن اۋىرىپ شىققان.
www.24.kz