+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

ارتىق جۇك تيەپ جۇرگەن كولىكتەرگە قاتىستى ايىپپۇلدار ءتيىمسىز بولىپ تۇر - بەرىك كاماليەۆ

21 قىركۇيەك 18:57
:ءبولىسۋ
ارتىق جۇك تيەپ جۇرگەن كولىكتەرگە قاتىستى ايىپپۇلدار ءتيىمسىز بولىپ تۇر - بەرىك كاماليەۆ

نۇر- سۇلتان. قازاقپارات - جۇكتى شامادان تىس تيەپ جۇرەتىن كولىكتەرگە قاتىستى ايىپپۇل سالۋ ءتيىمسىز شەشىم بولىپ تۇر.

بۇل تۋرالى ماجىلىستە زاڭنامالىق اكتىلەرگە كولىك ماسەلەلەرى بويىنشا وزگەرىستەر ەنگىزۋ تۋرالى زاڭ جوباسىن تانىستىرۋ كەزىندە ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ ايتتى، دەپ حابارلايدى قازاقپارات ءتىلشىسى.

تالقىلاۋ بارىسىندا جۇكتى شامادان تىس ارتىق تيەپ، جولدى بۇزاتىن كولىكتەردى شەكتەۋ ماسەلەسى تۋرالى سۇراق قويىلدى. ءوز كەزەگىندە ۆيتسە- مينيستر بەرىك كاماليەۆ اۆتوجولداردا شامادان ارتىق جۇكتى كوبىنە قىتايلىق كولىكتەر تيەپ الاتىنىن راستادى.

«قىتايلىق جۇك كولىكتەرى 40 تونناعا دەيىن ينەرتتى ماتەريالداردى تاسىمالداۋعا قاۋقارلى. ولار اۆتوجولعا وتە جوعارى جۇكتەمە تۇسىرەدى. بىزدە كولىكتىك باقىلاۋ ينسپەكتورلارى بار، ارتىق جۇك تيەگەندەردى توقتاتادى. الايدا بۇل جۇك كولىگىن تىزگىندەگەن جۇرگىزۋشىلەر ينسپەكتوردى ەلەمەي، ارى قاراي جۇرە بەرەتىن جاعدايلار دا كەزدەسىپ جاتىر. بۇل كولىكتەر قالانىڭ ىشىندەگى جولداردى دا بۇزىپ جۇرگەنى بەلگىلى. سوندىقتان ايىپپۇلدار سەكىلدى ءىس- شارالار ءتيىمسىز ەكەنىن كورسەتىپ وتىر»، - دەدى ۆيتسە- مينيستر.

سونىمەن قاتار ول كولىكتىك باقىلاۋداعى سىبايلاس جەمقورلىق جاعدايلارى دا بار ەكەنىن ايتتى.

«سوندىقتان الەمدىك تاجىريبە ينسپەكتورلاردىڭ بولماۋىن ەسكەرىپ وتىر. ينسپەكتورلار جۇرگىزۋشىلەرمەن بايلانىستا بولماۋى كەرەك» - دەدى بەرىك كاماليەۆ.

بۇدان بۇرىن حابارلانعانداي، جولداردا كولىك قۇرالدارىنىڭ سالماق جانە كولەم پارامەترلەرىن ولشەيتىن اۆتوماتتاندىرىلعان ستانسيالاردى ورناتۋ جوسپارلانۋدا. زاڭ جوباسىندا ولشەۋ ستانسيالارىن ورناتۋ جانە ولاردىڭ جۇمىس ىستەۋ ءتارتىبىن ايقىندايتىن نورمالار كوزدەلگەن. بۇل رەتتە ستانسيالار ادامنىڭ قاتىسۋىنسىز «سەرگەك» قاعيداتى بويىنشا جۇمىس ىستەيتىن بولادى.

اۆتور: رۋسلان عابباسوۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات