+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

الماتىداعى اتىسقا قاتىستى «بانك سەنتركرەديت» ا ق پىكىر ءبىلدىردى

21 قىركۇيەك 19:03
:ءبولىسۋ
الماتىداعى اتىسقا قاتىستى «بانك سەنتركرەديت» ا ق پىكىر ءبىلدىردى

الماتى. قازاقپارات - «بانك سەنتركرەديت» ا ق الماتىنىڭ «اقبۇلاق» ىقشاماۋدانىنداعى قايعىلى وقيعاعا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«2011 -جىلعى شىلدەدە «نانو پليۋس» ج ش س قارىز الۋشىسىنا نەگىزگى بورىش پەن پايىزدار بويىنشا تولەمدى 6 ايعا كەيىنگە قالدىرا وتىرىپ، جالپى سوماسى 102000000 تەڭگەگە ەكى قارىز بەرىلگەن. شارتتار بويىنشا مىندەتتەمەلەردى ورىنداۋدى قامتاماسىز ەتۋ رەتىندە كەپىل شارتتارى جاسالدى، وندا كەپىلمەن قامتاماسىز ەتۋ رەتىندە تۇرعىن ەمەس ءۇي- جاي، جەر ۋچاسكەسى، سونداي- اق الماتى قالاسى، الاتاۋ اۋدانى، «اقبۇلاق» شاعىناۋدانى، سىزدىقوۆ كوشەسى، 29- ءۇي مەكەنجايى بويىنشا ورنالاسقان تۇرعىن ءۇي قابىلداندى.

07.03.2012 ج. زاەم الۋشىعا ءۇش اي مەرزىمگە قوسىمشا شەگەرىم بەرىلگەن. 20.08.2012 ج. باستاپ زاەم الۋشى ءوز مىندەتتەمەلەرىن ەش ورىنداماستان كرەديتىن تولەۋدى كەشىكتىرە باستادى. كەلىسىمشارتتاعى مىندەتتەمەلەرىن ورىنداماۋىنا بايلانىستى 17.04.2013 ج. بورىشتى سوت تارتىبىمەن ءوندىرۋ تۋرالى شەشىم قابىلدانىپ، سول ساتتەن باستاپ بانك اتالعان نەسيە بويىنشا پايىز ەسەپتەۋدى توقتاتتى»، - دەلىنگەن حابارلامادا.

بانك الماتى قالاسى المالى اۋدانىنىڭ №2 اۋداندىق سوتىنا قارىز الۋشى مەن كەپىلگەرلەردەن بەرەشەكتى ءوندىرىپ الۋ تۋرالى تالاپ ارىز بەرگەن.

«قازاقستان رەسپۋبليكاسىنىڭ «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» زاڭىنىڭ 74-بابى 2-تارماعىنا سايكەس: «بورىشكەر سوت ورىنداۋشىسى مۇلىككە تىيىم سالۋدى قولدانعاننان جانە باعالاۋ جۇرگىزگەننەن كەيىن جانە مۇلىك الىپ قويىلعانعا نەمەسە وتكىزىلگەنگە دەيىن سوت ورىنداۋشىسىنىڭ جازباشا رۇقساتىمەن جانە ول بەلگىلەگەن مەرزىمدە تىيىم سالىنعان مۇلىكتى باعالاۋ قۇنىنان تومەن بولمايتىن قۇن بويىنشا وتكىزۋگە قۇقىلى». بورىشكەر دە، كەپىلگەر دە بۇل قۇقىقتارىن پايدالانبادى»، - دەپ اتاپ ءوتتى بانكتىڭ باسپا ءسوز قىزمەتى.

قازاقستان رەسپۋبليكاسىنىڭ «اتقارۋشىلىق ءىس جۇرگىزۋ تۋرالى» زاڭىنىڭ 80-بابى 3-تارماعىنا سايكەس: ەلەكتروندىق اۋكسيون بورىشكەردىڭ مۇلكىن وتكىزۋگە بەرۋ تۋرالى قاۋلىدا كورسەتىلگەن باعالاۋ قۇنىنان بەلگىلەنگەن قاداممەن مۇلىكتىڭ قۇنىن كوتەرۋمەن باستالادى.

ەگەر ەلەكتروندىق اۋكسيونعا قاتىسۋشىلاردىڭ ەشبىرى ساۋدا- ساتتىقتىڭ الدىن الا بەلگىلەنگەن قادامىن قولداي وتىرىپ مۇلىك قۇنىن ارتتىرماعان جاعدايدا، ەلەكتروندىق اۋكسيون قۇندى تومەندەتۋگە اۋىسۋمەن جالعاسادى. بۇل رەتتە، وتكىزىلەتىن مۇلىكتىڭ باستاپقى باعاسى قاتىسۋشىلاردىڭ ءبىرى جاريالانعان باعا بويىنشا مۇلىكتى ساتىپ الۋعا كەلىسكەن كەزگە دەيىن بەلگىلەنگەن قاداممەن تومەندەتىلەدى، بۇل باعا ەلەكتروندىق اۋكسيونعا قويىلعان مۇلىك قۇنىنىڭ باستاپقى باعاسىنىڭ ەلۋ پايىزىنان تومەن بولماۋعا ءتيىس.

بانكتىڭ باسپا ءسوز قىزمەتىنىڭ مالىمەتىنشە، 2018 -جىلدىڭ 22 - قاڭتارىندا الماتى قالاسى الاتاۋ اۋداندىق سوتىنىڭ سىرتتاي شەشىمىمەن كەپىلگەردىڭ كەپىل رەتىندە سالعان تيەسىلى تۇرعىن ءۇيى وندىرۋگە جولدانعان. 2018 -جىلدىڭ 16- تامىزىندا تۇرعىن ءۇي تۇرىندە كەپىلگە قويىلعان مۇلىككە ەلەكترون سوت اۋكسيوندارى وتكىزىلىپتى.

ەلەكترون اۋكسيون ناتيجەلەرى تۋرالى حاتتاما بويىنشا ن. س. تۇرعانوۆ جەڭىمپاز دەپ تانىلعان. 23.08.2018 -جىلى جەكە سوت ورىنداۋشىسى مەن ن. س. تۇرعانوۆ اراسىندا ساتۋ- ساتىپ الۋ كەلىسىمشارتى جاسالعان. 26.12.2018 -جىلى الماتى قالاسى الاتاۋ اۋداندىق سوتىنىڭ ۇيعارىمىمەن الماتى قالاسى الاتاۋ اۋداندىق سوتىنىڭ 22.01.2018 -جىلعى تۇرعىن ءۇي تۇرىندەگى كەپىل مۇلكىن ءوندىرىپ الۋعا جۇگىنۋ تۋرالى سىرتتاي شەشىمىنىڭ كۇشى جويىلدى.

الماتى قالالىق سوتىنىڭ اپەللياتسيالىق سوت القاسىنىڭ 27.11.2019 جىلعى قاۋلىسىمەن، باستاپقى ساتۋ قۇنى 29417000 تەڭگە مولشەرىندە ساتۋ كەزىندە تۇرعىن ءۇي تۇرىندەگى كەپىلدىك مۇلىكتەن ءوندىرىپ الۋدى قولدانۋ تۋرالى بانكتىڭ تالاپ- ارىزىن قاناعاتتاندىرۋ تۋرالى شەشىم شىعارىلدى. ق ر جوعارعى سوتىنىڭ ازاماتتىق ىستەر جونىندەگى سوت القاسىنىڭ 27.07.2020 -جىلعى قاۋلىسىمەن الماتى قالالىق سوتىنىڭ ازاماتتىق ىستەر جونىندەگى سوت القاسىنىڭ 27.11.2019 -جىلعى قاۋلىسىن ق ر ق ك ازاماتتىق ىستەر جونىندەگى سوت القاسىنىڭ سوت وتىرىسىندا قاراۋ ءۇشىن قايتا قاراۋ تۋرالى ا. پ. دەميرچيان، ي. ي. دۋجنوۆا شاعىمىن قاراۋدان باس تارتىلدى. وسىلايشا، تۇرعىن ءۇي ن. س. تۇرعانوۆتىڭ مەنشىگىندە قالدى (بۇرىن العاشقى سوت ساۋداسىندا ساتىپ الىنعان).

ۇيدەن شىعارۋ جەكە تۇلعانىڭ (ساتىپ الۋشىنىڭ) پايداسىنا سوت اكتىسى نەگىزىندە جۇزەگە اسىرىلدى، وسىلايشا ازاماتتار اراسىنداعى كوشىرۋ ءىسى قۇقىقتىق قاتىناستارى قايعىلى جاعدايعا ۇلاسقان. بانك تۇرعىن ءۇيدى ساتۋدى دا، كەيىننەن شىعارۋدى دا جۇرگىزگەن جوق.

«بانكتىڭ كەپىلىندە تۇرعان تۇرعىن ەمەس ءۇي- جايعا قاتىستى 07.03.2017 -جىلعى الەۋەتتى ساتىپ الۋشىلار بولماۋىنا بايلانىستى ول بويىنشا العاشقى ەلەكترون سوت ساۋداسى بولعان جوق. 18.04.2017 -جىلعى قايتالاما ەلەكترون سوت ساۋداسى وتكىزىلدى. ساتىپ الۋشىلاردىڭ بولماۋىنا بايلانىستى جانە جۇرگىزىلگەن سوت ساۋدا- ساتتىعىنىڭ ناتيجەلەرى بويىنشا جوعارىدا كورسەتىلگەن مۇلىك اۋكتسيون شەڭبەرىندە تومەندەتىلەتىن ساۋدا- ساتتىقتان كەيىن 96008120 تەڭگە سوماسىنا بانكتىڭ مەنشىگىنە ءوتتى. 24.04.2017 جىلى بانك پەن ج س و (جەكە سوت ورىنداۋشىسى) اراسىندا تۇرعىن ەمەس ءۇي- جايلاردى ساتىپ الۋ- ساتۋ شارتى جاسالدى. ۇزاق ۋاقىت بويى بانك تۇرعىن ەمەس ءۇي- جايعا مەنشىك قۇقىعىن تىركەي الماعان، ويتكەنى بۇرىنعى مەنشىك يەسى جەرگە ورنالاستىرۋ جوباسى بويىنشا جۇمىستاردى جۇرگىزۋ جانە تەحنيكالىق پاسپورت دايىنداۋ ءۇشىن جەر كوميتەتى مەن بانك قىزمەتكەرلەرىنە رۇقسات بەرمەگەن. ءىس جۇزىندە بانك مەنشىك قۇقىعىن 2021 -جىلدىڭ مامىرىندا تىركەپتى.

تيىسىنشە، 2017 -جىلدان باستاپ قازىرگى ۋاقىتقا دەيىن بانك تۇرعىن ەمەس مۇلىككە مەنشىك ەتپەيدى جانە 2021 -جىلعى شىلدەدە الماتى قالاسى بوستاندىق اۋداندىق سوتىنا تۇرعىن ەمەس ءۇي- جايدى جەر ۋچاسكەسىمەن پايدالانۋداعى كەدەرگىلەردى جويۋعا ماجبۇرلەۋ تۋرالى تالاپ- ارىز بەرگەن»، - دەپ اتاپ ءوتتى بانكتىڭ باسپا ءسوز قىزمەتى.

بانك وسى وقيعانى تەرگەۋگە بەلسەندى قاتىساتىندارىن ءمالىم ەتتى.

«ءىس بويىنشا بارلىق قاجەتتى قۇجاتتى ۇسىنامىز جانە زارداپ شەككەندەردىڭ تۋىستارىنا جان- جاقتى كومەك كورسەتەمىز»، - دەپ تۇيىندەدى باسپا ءسوز قىزمەتى.

ەسكە سالايىق، 20- قىركۇيەك كۇنى الماتىدا اتىس بولىپ، 5 ادام قازا تاپتى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات