+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

قازاقستاندا قىستا ەت باعاسى كۇرت قىمباتتاۋى مۇمكىن بە

21 قىركۇيەك 15:07
:ءبولىسۋ
قازاقستاندا قىستا ەت باعاسى كۇرت قىمباتتاۋى مۇمكىن بە

نۇر-سۇلتان. قازاقپارات - قىستا قازاقستاندا ەت باعاسى كۇرت وسە مە؟ بۇل سۇراققا اۋىل شارۋاشىلىعى ءمينيسترىنىڭ كەڭەسشىسى تولەۋتاي راقىمبەكوۆ جاۋاپ بەردى، دەپ حابارلايدى قازاقپارات ءتىلشىسى.

«مەنىڭ ويىمشا، باعا ەلەۋلى تۇردە شارىقتامايدى. الايدا ەتتىڭ قۇنى ءوسۋى مۇمكىن ەكەنىن الەۋمەتتىك جەلىدە جازعان بولاتىنمىن، ياعني ماڭعىستاۋ جانە قىزىلوردا وبلىستارىندا مال شىعىنى بولعاندا. وسى ورايدا مالدىڭ قىرىلۋىنا قاتىستى توقتالسام، جاعداي دۇربەلەڭ جاساۋعا تىرىسقان كەيبىر ادامدار ايتقانداي ۇرەيلى ەمەس. جەڭىل اۆتوريتەتتى قۋعاندار قازاقستاندا ءۇش ملن باس مال قىرىلاتىنىن جازعان ەدى»، - دەدى ت. راقىمبەكوۆ.

ونىڭ ايتۋىنشا، 2017 -جىلى مال ازىعىن دايارلاۋ كارتاسى ازىرلەنگەن كەزدە جىل سايىن مال ازىعى داقىلدارىنىڭ تاپشىلىعى ۇنەمى ماڭعىستاۋ، قىزىلوردا، تۇركىستان وبلىستارىندا جانە شىعىس قازاقستان وبلىسىنداعى سەمەي وڭىرىندە بايقالىپ وتىرعانى كورسەتىلگەن.

«بۇل جايىندا وسىعان دەيىن بەلگىلى بولدى. وسى وڭىرلەردە تۇرعىندار مال شارۋاشىلىعىمەن اينالىسقىسى كەلسە، جەم- ءشوپتى قوسىمشا وندىرۋگە ءمان بەرۋى كەرەك ەدى»، - دەدى ءمينيستردىڭ كەڭەسشىسى.

«ماڭعىستاۋ وبلىسىندا 28 مىڭ ءىرى قارا مال باسى بار، ەلىمىز بويىنشا 7 ميلليون بۇل قالاي اسەر ەتەدى؟ ارينە، پروبلەما بار. بيىل مال شارۋاشىلىعى مەن وسىمدىك شارۋاشىلىعى ءۇشىن كۇردەلى بولدى. قۋاڭشىلىق بولاتىنىن ايتقان ەدىم، وسى ورايدا مالدىڭ ءولىم- ءجىتىمى مۇمكىن بولدى. ءبىراق ول جۇتقا اكەلمەيدى. ادامدار وسى احۋالعا ارەكەت ەتىپ، مالدى سويىپ، ەتكە وتكىزۋى ىقتيمال. نارىق زاڭدىلىعى بويىنشا باستاپقىدا ەتتىڭ باعاسى تومەندەيدى دە، كەيىن باعا ءوسۋى مۇمكىن ەدى. مەن بۇل جايىندا جازعان ەدىم، ەسەلەپ قىمباتتامايدى. سوندىقتان كۇرت قىمباتتايدى دەپ ويلامايمىن»، - دەدى تولەۋتاي راقىمبەكوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات