ەلوردادا جىلۋ بەرۋ ماۋسىمى قاشان باستالادى

None
None
نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ ەلوردادا 2021-2022 -جىلدارداعى جىلۋ بەرۋ ماۋسىمىنىڭ باستالۋى تۋرالى قاۋلىعا قول قويدى، دەپ حابارلايدى قالا اكىمدىگىنىڭ رەسمي سايتى.

قاۋلىعا سايكەس، 2021-2022 -جىلدارداعى جىلۋ بەرۋ ماۋسىمى نۇر-سۇلتاندا 23-قىركۇيەكتەن باستالادى.

ەسكە سالا كەتەيىك، ەلوردادا كەيبىر الەۋمەتتىك نىساندار وتىنىشتەر نەگىزىندە جىلۋ بەرۋ جۇيەسىنە قوسىلعان بولاتىن. ونىڭ ىشىندە مەديتسينالىق مەكەمەلەر، ءبىلىم بەرۋ نىساندارى، بالاباقشالار جانە ت. ب. الەۋمەتتىك نىسانداردىڭ دايىندىعى %100 قۇرايدى. سونداي-اق، ەلدى مەكەندەردى گازداندىرۋ، جىلۋ ەلەكتر ورتالىقتارىن جاڭعىرتۋ، ج ە و سۋ جىلىتۋ قازاندىقتارىن گازعا اۋىستىرۋ جۇمىستارى جالعاسۋدا. جەكە سەكتور تۇرعىندارى ءۇشىن قالانىڭ بارلىق اۋدانىندا كومىر ساتاتىن كومپانيالار بەلگىلەندى. قاتتى وتىندى ساتىپ الۋ كەزىندە دۇرلىگۋگە جانە الىپساتارلىققا جول بەرمەس ءۇشىن قويمالاردا جەتكىلىكتى قور كولەمى بار. قالا اكىمى بۇعان دەيىن حابارلاعانداي، «كوكتال-1»، «كوكتال-2»، «تەمىرجولشىلار»، «اگروقالاشىق» ەلدى مەكەندەرىنىڭ تۇرعىندارى گازعا قوسىلۋعا مۇمكىندىك الدى.

قاراشا ايىنا دەيىن وڭتۇستىك- شىعىس، پرومىشلەننىي، اگروقالاشىق (قوسىلماعان بولىك) ەلدى مەكەندەرىنىڭ تۇرعىندارى گازعا قوسىلۋ مۇمكىندىگىن الادى. سونداي- اق، «قازترانسگاز ايماق» ا ق كۇيگەنجار، ميچۋرينو، ينتەرناتسيونالنىي ەلدى مەكەندەرىندە گازبەن جابدىقتاۋ جەلىلەرىنىڭ قۇرىلىسىن جۇرگىزۋدە. بۇل ەلدى مەكەندەردى جىل سوڭىنا دەيىن گازبەن قامتاماسىز ەتۋ جوسپارلانىپ وتىر.

سوڭعى جاڭالىقتار