+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

الماتىدا وققا ۇشقان پوليتسەيلەردىڭ وتباسىنا ءۇي بەرىلەدى

21 قىركۇيەك 14:05
:ءبولىسۋ
الماتىدا وققا ۇشقان پوليتسەيلەردىڭ وتباسىنا ءۇي بەرىلەدى

الماتى. قازاقپارات - قازاقستان ىشكى ىستەر ءمينيسترى ەرلان تۇرعىمبايەۆتىڭ تاپسىرماسىمەن ءمينيستردىڭ ورىنباسارى مۇرات بايمۇقاشەۆ قازا بولعان پوليتسيا قىزمەتكەرلەرى دارحان سۇلەيەۆ پەن نۇربول بايعازيەۆتىڭ وتباسىلارىنا باردى، - دەپ حابارلايدى Polisia.kz سايتى.

ءى ءى م باسشىلىعى، ىشكى ىستەر ورگاندارىنىڭ جەكە قۇرامى اتىنان قىزمەتتىك مىندەتىن ورىنداۋ كەزىندە قازا تاپقان پوليتسيا قىزمەتكەرلەرىنىڭ تۋىستارى مەن جاقىندارىنا كوڭىل ايتتى.


«ىشكى ىستەر ءمينيسترىنىڭ قولداۋ حاتى بويىنشا الماتى قالاسىنىڭ اكىمدىگى قازا تاپقان پوليتسيا قىزمەتكەرلەرىنىڭ وتباسىلارىنا تۇرعىن ءۇي بەرەدى. سونىمەن قاتار، ىشكى ىستەر ءمينيسترىنىڭ بۇيرىعىمەن ءتارتىپ پەن زاڭدىلىقتى سوڭىنا دەيىن كۇزەتكەن ۋچاسكەلىك ينسپەكتورلار «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالدارىمەن ماراپاتتالدى»، - دەلىنگەن حابارلامادا.


الاتاۋ اۋداندىق پ ب ج پ ق ب ۋچاسكەلىك ينسپەكتورى، پوليتسيا مايورى سۇلەيەۆ دارحان داۋىلباي ۇلى، 1982 -جىلى تۋعان، ق ر ءى ءى م الماتى اكادەمياسىنىڭ ماگيستراتۋراسىن بىتىرگەننەن كەيىن 2003 -جىلدان باستاپ ىشكى ىستەر ورگاندارىندا قىزمەت ەتتى. 2021 -جىلدىڭ تامىزىندا ۋچاسكەلىك ينسپەكتور لاۋازىمىنا تاعايىندالعان ەدى. ءى ءى و قىزمەت ەتكەن جىلدار ىشىندە ول 6 ماراپاتقا يە بولدى، ونىڭ ىشىندە «ىشكى ىستەر ورگاندارىنداعى ءمىنسىز قىزمەتى ءۇشىن» 3-دارەجەلى مەدالىمەن، سونداي-اق، «قازاقستان پوليتسياسىنا 25 جىل» توسبەلگىسىمەن ماراپاتتالدى. ۇيلەنگەن، كامەلەتكە تولماعان بەس بالاسى بار.

الاتاۋ اۋداندىق پ ب ج پ ق ب ۋچاسكەلىك ينسپەكتورى، پوليتسيا كاپيتانى بايعازيەۆ نۇربول نازارباي ۇلى، 1988 -جىلى تۋعان، ىشكى ىستەر ورگاندارىندا 2014 -جىلدان بەرى قىزمەت ەتكەن. ول 13 ماراپاتقا يە بولدى، ونىڭ ىشىندە «ۇزدىك قۇتقارۋشى جاۋىنگەر» جانە «قازاقستان پوليتسياسىنا 25 جىل» توسبەلگىلەرىمەن ماراپاتتالدى. ۇيلەنگەن، كامەلەتكە تولماعان ەكى بالاسى بار.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات