الماتى باراحولكاسىندا ءورت شىقتى - ۆيدەو

الماتى. قازاقپارات - الماتىدا «قازىنا» بازارىندا حالىق تۇتىنۋ تاۋارلارى ساقتالعان ەكى قاباتتى بىرنەشە كونتەينەر ورتەنىپ كەتتى، دەپ حابارلايدى قازاقپارات ءتىلشىسى.

قالالىق ت ج د باسپا ءسوز قىزمەتى تاراتقان اقپاراتقا سۇيەنسەك، ءورت تۋرالى حابارلاما تۇسكى ساعات 12:14-تە تۇسكەن.

«الماتى قالاسى ت ج د كۇشتەرى مەن قۇرالدارى جوعارى دارەجەلى شاقىرتۋ بويىنشا الاتاۋ اۋدانى، سولتۇستىك اينالىم، 34 «قازىنا» ساۋدا ورنىنا جىبەرىلدى. ءورت سوندىرۋشىلەر وقيعا ورنىنا 6 مينۋتتا جەتتى. ولار جالپى الاڭى 120 شارشى مەتر اۋماعىندا ماتەريالدىق قۇندىلىقتارى بار بىرنەشە ەكى قاباتتى كونتەينەردىڭ جانىپ جاتقانىن انىقتادى. ءورتتىڭ جاقىن ماڭىندا ورنالاسقان كونتەينەرلەرگە كوشۋ قاۋىپى تۋىندادى»، - دەپ حابارلادى الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى.

العاشقى بولىمشە بارلاۋ بارىسىندا «سۋ از قامتىلعان» اۋدان تۋرالى حابارلادى، سوندىقتان ءورت ءسوندىرۋ اۆتوتسيستەرنالارىمەن سۋ جەتكىزۋ جۇمىستارى دەرەۋ ۇيىمداستىرىلدى، وسىلايشا سۋدى ۇزدىكسىز بەرۋ قامتاماسىز ەتىلدى. وقيعا ورنىندا جەدەل شتاب، 2 جاۋىنگەرلىك ۋچاسكە قۇرىلدى. 40 مامان مەن 14 بىرلىك تەحنيكا جۇمىلدىرىلدى. جول پوليتسياسىنىڭ كۇشىمەن جولدى قورشاۋ قامتاماسىز ەتىلدى. قابىلدانعان شارالاردىڭ ارقاسىندا ءورت 18 مينۋتتا وقشاۋلاندى.

اۆتور: الما مۇقانوۆا