ەپيدەميولوگيالىق جاعداي تۇراقتاندى: كارانتين شارالارى جەڭىلدەتىلمەك
بۇگىن ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن Covid-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى.
دەنساۋلىق ساقتاۋ ءمينيسترى ا. سوي ەلدەگى ەپيدەميولوگيالىق جاعداي تۇراقتانعانىن، سوڭعى 2 اپتادا سىرقاتتانۋشىلىق پەن ءولىم-ءجىتىم دەڭگەيى %60 عا تومەندەگەنىن ايتتى. وسىعان بايلانىستى ۆ ا ك ءبىرقاتار شەشىم قابىلدادى:
1. بيىلعى 27-قىركۇيەكتەن باستاپ «Ashyq» بويىنشا «قاۋىپسىز» مارتەبەسى بار قىزمەتكەرلەر مەن كەلۋشىلەردىڭ قاتىسۋىمەن كەلەسى ءىس- شارالاردى وتكىزۋگە رۇقسات ەتىلسىن:
2. 16 ەلمەن اۋە قاتىناسىن جاڭارتۋ جانە ۇلعايتۋ (رەسەي فەدەراتسياسى، تۇركيا، ب ا ءا، وزبەكستان، گەرمانيا، مالديۆ، كورەيا، پولشا، ۆەنگريا، يتاليا، چەحيا، شري-لانكا، قىتاي، ساۋد ارابياسى، كۋۆەيت، ازەربايجان).
3. قولايلى ەپيدەميولوگيالىق احۋالى جانە حالىقتى ۆاكسينالاۋدىڭ جوعارى دەڭگەيى بار 30 شەت مەملەكەتپەن قازاقستان رەسپۋبليكاسىنا كىرۋ ءۇشىن ۆيزاسىز رەجيمدى قايتا باستاۋ (يتاليا، نيدەرلاندى، فرانسيا، گەرمانيا، يسپانيا، جاپونيا، ب ا ءا، ساۋد ارابياسى، كۋۆەيت، پولشا دانيا، چيلي، ۆەنگريا، كورەيا، چەحيا، باحرەين، كاتار، موناكو، كيپر، يسلانديا، فينليانديا، مالتا، شۆەتسيا، پورتۋگاليا، ليحتەنشتەين، سلوۆاكيا، ليۋكسەمبۋرگ، كانادا، سينگاپۋر، بەلگيا).
سونداي- اق ە. توعجانوۆ ۆاكسينا الۋدىڭ قولجەتىمدىلىگىن ارتتىرۋ ماقساتىندا اكىمدىكتەرگە اۋەجايلاردا، تەمىر جول ۆوكزالدارىندا، ءىرى بازارلار مەن ساۋدا ورىندارىندا تالاپتارعا سايكەس كەلەتىن پۋنكتتەر ۇيىمداستىرۋدى تاپسىردى. ۆ ا ك وتىرىسىنىڭ قورىتىندىسى بويىنشا پرەمەر-ءمينيستردىڭ ورىنباسارى ءبىرقاتار باسقا تاپسىرمالار بەردى.
