الماتىدا اتىس شىعارعان ەر ادام مەن ونىڭ وتباسى تۋرالى نە بەلگىلى

None
None
الماتى. قازاقپارات - الماتىدا اتىس ۇيىمداستىرعان ادامنىڭ ۇيدەن شىعارۋعا قاتىستى جانجالدىڭ نەدەن باستالعانى تۋرالى وتباسىنىڭ ادۆوكاتى ايتىپ بەردى.

ول جانجالدى ءىستىڭ سوڭعى پروتسەستەردىڭ ءبىرىن جۇرگىزدى، دەپ حابارلايدى ەكسپرەسس ك باسىلىمى.

ونىڭ ايتۋىنشا، ءىس 2000 -جىلداردىڭ باسىنان جۇرگىزىلىپ كەلەدى.

«مەن كوپتەگەن سوت پروتسەستەرى اياقتالعان سوڭعى كەزەڭدەردىڭ بىرىنە قوسىلدىم. مەن دۋجنوۆتىڭ قانداي ادام ەكەنىن سيپاتتاي المايمىن، سەبەبى جۇبايى انايدپەن جيىرەك سويلەستىم. ءبىراق ايتۋعا بولاتىنى بۇل قاراپايىم وتباسى بولدى، - دەدى ادۆوكات.

ول ەرلى- زايىپتىلاردىڭ ۇستامدى جانە ينتەلليگەنتتى بولعانىن اتاپ ءوتتى. بۇل كىشكەنتاي بالالارى بار قاراپايىم وتباسى بولدى. ولار پروبلەمالارمەن بەتپە-بەت كەلدى.

سونداي-اق ءتىلشى وسى ىسكە قاتىستى بەدەلدى الماتىلىق زاڭگەرلەردىڭ بىرىمەن حابارلاسىپ، پىكىرىن ءبىلدى.

«مەن قالالىق سوتتىڭ 2020 -جىلعى 28-قىركۇيەكتەگى قاۋلىسىن قارادىم. سىرتتاي قاراعاندا زاڭدى بولىپ كورىنەدى، ويتكەنى ولاردى بانك شىعارعان جوق، 2018 -جىلدىڭ 4-قازانىنان باستاپ وسى ءۇيدىڭ يەسى بولىپ كەلەتىن تۇرعانوۆ ەسىمدى ازامات. دەمەك، ول سوت ارقىلى ولاردى شىعارۋعا تولىق قۇقىلى بولدى، سولاي ىستەگەن دە. كونستيتۋتسيا بويىنشا زاڭدى كۇشىنە ەنگەن كەز كەلگەن سوت شەشىمى ورىندالۋعا ءتيىس. سوندىقتان دۋجنوۆتىڭ ارەكەتتەرى ەشقانداي اقتاۋعا كەلمەيدى. قانشا كىناسىز ءوز جۇمىسىن اتقارعان ادامدار مەرت بولدى»، - دەيدى ءوز ەسىمىن اتاماۋدى سۇراعان زاڭگەر.

يگور دۋجنوۆ تۋرالى نە بەلگىلى؟

54 جاستاعى يگور دۋجنوۆ 2009 -جىلى تىركەلگەن «نانو پليۋس» ج ش س باسشىسى رەتىندە كورسەتىلگەن. كومپانيا اۆتوموبيل بولشەكتەرىن، تۇيىندەرىن جانە كەرەك-جاراقتارىن بولشەك ساۋدامەن اينالىسادى.

بيزنەسمەن كاسىپكەرلەردىڭ تاۋەلسىز قاۋىمداستىعىنىڭ بيزنەس- كلۋبىنىڭ مۇشەسى بولدى جانە ب ا ق الدىندا ارا-تۇرا ءسوز سويلەپ جۇرگەن. سۇحباتتارىنىڭ بىرىندە ول قاراجاتتىڭ جوقتىعىنا جانە ءجيى تەكسەرۋلەرگە شاعىمدانعان.

«وتكەن جىلى «دامۋ» باعدارلاماسى بويىنشا الىنعان نەسيەنى %12,5 بەن قايتا قارجىلاندىردىم. بۇل رەتتە ساقتاندىرۋ ءۇشىن 200 مىڭ تەڭگە تولەۋگە تۋرا كەلدى. قازىر ءبىزدىڭ كاسىپورىن ۇنەمى ءتۇرلى مونيتورينگتەرگە ۇشىرايدى. شىنىمدى ايتسام، جاڭا نەسيە بەرۋگە ۋادە ەتىلگەن سوڭ مولشەرلەمەنى ازايتۋعا شەشىم قابىلدادىق. بىزگە «ۇزاق اقشا» كەرەك. كەپىلدىك ەكىنشى نەسيە الۋعا مۇمكىندىك بەرەدى، ءبىراق بىزگە بانك رۇقسات بەرمەيدى»، - دەيدى ول.

دۋجنوۆتىڭ ايەلى انايدا دەميرچيان دا بيزنەسپەن اينالىسقانعا ۇقسايدى. ول «زولوتوە رۋنو» اتتى سۇلۋلىق جانە دەنساۋلىق ورتالىعىندا بايلانىس تۇلعاسى رەتىندە كورسەتىلگەن.

دۋجنوۆتىڭ ايەلىنە تيەسىلى ءۇي بانكتەردىڭ بىرىندە كەپىلدىك مۇلىك رەتىندە تىركەلگەن. ۇزاق سوت پروتسەستەرى بارىسىندا تۇرعىن ءۇي بانكتىڭ مەنشىگى بولىپ تانىلىپ، اۋكسيوندا ساتىلدى.

سونداي-اق، يگور دۋجنوۆ قايىرىمدىلىقپەن اينالىسقان ەكەن. ماسەلەن، 2009 -جىلى مەديتسينا قىزمەتكەرى كۇنىنە وراي ول باسقا دا كاسىپكەرلەرمەن بىرگە قاراجات جيناپ، №4-قالالىق كلينيكالىق اۋرۋحانا ءۇشىن 15 مۇگەدەكتەرگە ارنالعان فرانسيالىق اربا الىپ بەرگەن.

«الەم مەيىرىمدى بولۋى كەرەك! بەرگەن ادامعا قۇداي بەرەدى دەپ دۇرىس ايتىلعان! ءبىز نەعۇرلىم كوپ جاقسى ءىس جاساساق، ءبارىمىزدىڭ ءومىر ءسۇرۋىمىز سوعۇرلىم جاقسى بولماق»، - دەپ پىكىر بىلدىرگەن ەكەن ول شارالاردىڭ بىرىندە.

ايتا كەتسەك، ادام ولىمىمەن اياقتالعان اتىس كەشە ساعات 17:00 شاماسىندا ورىن العان. رەسمي دەرەكتەرگە سۇيەنسەك، سوت شەشىمىن ورىنداۋشىلار ەكى ادامنىڭ مەنشىك قۇقىعىنا قاتىستى داۋعا بايلانىستى كۇدىكتىنىڭ ۇيىنە كەلگەن. سوت شەشىمىمەن ەستىگەن ازامات ۇيىنەن قارۋ الىپ شىعىپ، سوت ورىنداۋشىسىنا، ۋچاسكەلىك پوليتسيا ينسپەكتورلارىنا جانە اۋلادا بولعان باسقا ادامدارعا قارۋدان وق جاۋدىردى. ناتيجەسىندە بەس ادام كوز جۇمعان. ونىڭ ىشىندە ءۇيدىڭ جاڭا يەسى مەن تاعى ءبىر تۇرعىن بار.


سوڭعى جاڭالىقتار