12:34, 21 - قىركۇيەك 2021 | GMT +6
الماتىداعى اتىستا قازا تاپقان بەسىنشى ادامنىڭ كىم ەكەنى بەلگىلى بولدى
الماتى. قازاقپارات - الاتاۋ اۋدانىنىڭ تۇرعىنى اڭشى مىلتىعىمەن اتىپ ولتىرگەن بەسىنشى ادامنىڭ كىم ەكەنى انىقتالدى، دەپ حابارلايدى قازاقپارات ءتىلشىسى.
الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ اتىس كەزىندە قايتىس بولعان بەسىنشى ادام تۋرالى ايتتى.
«ءۇيدىڭ جاڭا يەسىنەن باسقا ولتىرىلگەن تاعى ءبىر تۇرعىن ونىڭ تانىسى»، - دەدى قانات تايمەردەنوۆ ارنايى بريفينگتە. بۇعان دەيىن دەپارتامەنت باسشىسى، اتالعان دەرەك بويىنشا ەكى قىلمىستىق ءىس قوزعالعانى تۋرالى ءمالىم ەتكەن ەدى.
سونىمەن قاتار، باقىتجان ساعىنتايەۆ ولاردىڭ وتباسىنا ءتيىستى كومەك كورسەتىلەتىنى تۋرالى ايتقان بولاتىن. كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.
ايتا كەتەيىك، وسىعان دەيىن الماتىدا اتىس بولىپ، 5 ادامنىڭ قازا تاپقانىن حابارلاعان بولاتىنبىز. اتالعان جاعداي بويىنشا سوتقا دەيىنگى تەرگەۋ امالدارى باستالدى.
اۆتور: الما مۇقانوۆا