قىتايعا جونەلتىلەتىن بيداي كولەمى ارتۋى مۇمكىن – ا ش م

نۇر- سۇلتان. قازاقپارات - بيىل ەلىمىزدە 16 ميلليون توننا ءداندى داقىل جينالادى. بۇل تۋرالى بۇگىن ۇكىمەت وتىرىسىندا ق ر اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى قازاقپارات ءتىلشىسى.

«بيىل ءداندى داقىلدار 15,9 ميلليون گەكتار القاپتان جينالاتىن بولادى. وبلىس اكىمدىكتەرىنىڭ مالىمەتتەرىنە سايكەس ونىمدىلىك گەكتارىنان 10,1 سەنتنەر بولعاندا ءداندى داقىلداردىڭ بولجامدى جالپى ءتۇسىمى شامامەن 16 ملن توننانى قۇرايدى»، - دەدى ول.

ءمينيستردىڭ ايتۋىنشا، وتكەن جىلداردىڭ اۋىسپالى قالدىقتارىن ەسكەرگەندە، ءداندى داقىلدار ءوندىرىسىنىڭ بولجامدى كولەمى ەلدىڭ ىشكى قاجەتتىلىكتەرىن تولىقتاي قامتاماسىز ەتۋگە مۇمكىندىك بەرەدى.

«جاڭا ماۋسىمدا ءداستۇرلى تۇردە قازاقستاندىق بيداي مەن ۇن ورتا ازيا، يران مەن اۋعانستان نارىقتارىنا جىبەرىلەتىن بولادى. استىق ساپاسىنىڭ جوعارى بولۋىنان قىتايعا جونەلتىلەتىن بيداي (HI- Pro) كولەمى ارتۋى مۇمكىن»، - دەدى ەربول قاراشوكەيەۆ.