دانيار ەلەۋسىنوۆ پەن يۆان دىچكو بوكس كەشىندە شارشى الاڭعا شىعاتىن بولدى

نۇر- سۇلتان. قازاقپارات - بوكسشىلار دانيار ەلەۋسىنوۆ (10-0, 6 ك و) پەن يۆان دىچكونىڭ (10-0, 10 ك و) مەنەدجەرى زيا اليەۆ ءوز كليەنتتەرىنىڭ قازاقستاندا وتەتىن ءبىر بوكس كەشىندە ونەر كورسەتەتىنىن ايتتى، دەپ حابارلايدى Sports.kz.

قازاقستاندا مەن ەل تاۋەلسىزدىگىنىڭ 30 جىلدىعىنا ارنالعان شوۋ جاسايمىن، پروموۋتەر بولامىن. وعان دانيار دا، يۆان دا قاتىسادى. قالعان بوكسشىلارمەن دە جۇمىس جاساپ جاتىرىمىن»، - دەدى اليەۆ.

ايتا كەتەر جايت، دانيار ەلەۋسىنوۆ پەن يۆان دىچكو Triller Fight Club پروموۋتەرلىك كومپانياسىمەن ىنتىماقتاستىقتى باستايدى. ەلەۋسىنوۆ سوڭعى ايقاسىن 2020 -جىلدىڭ قاراشاسىندا وتكىزدى. ەكىنشى راۋندتا ول يۋليۋس يندونگونى نوكاۋتقا جىبەردى (23-4, 12 ك و). ال دىچكو وسى جىلدىڭ شىلدەسىندە بولعان جەكپە- جەگىندە رەسەيلىك دەنيس باحتوۆتان (39-19, 26 ك و) ءبىرىنشى راۋندتا باسىم ءتۇستى.