مەملەكەتتىك كىرىستەر كوميتەتى ءتوراعاسىنىڭ ورىنباسارى تاعايىندالدى

نۇر-سۇلتان. قازاقپارات - ق ر قارجى ءمينيسترىنىڭ بۇيرىعىمەن مەملەكەتتىك كىرىستەر كوميتەتى ءتوراعاسىنىڭ ورىنباسارى قىزمەتىنە باقىتجان سلياموۆ تاعايىندالدى.

سلياموۆ باقىتجان ورازعالي ۇلى، 1983-جىلى تۋعان. 2006-جىلى قازاق گۋمانيتارلىق زاڭ ۋنيۆەرسيتەتىن زاڭگەر ماماندىعى بويىنشا، 2009-جىلى - شاكارىم اتىنداعى سەمەي مەملەكەتتىك ۋنيۆەرسيتەتىن قارجى باكالاۆرى ماماندىعى بويىنشا بىتىرگەن.

ەڭبەك جولىن 2005-جىلى «جەتى جارعى» ج ش س زاڭ فيرماسىندا زاڭ كەڭەسشىسىنەن باستاپ، ديرەكتورعا دەيىن جەتتى.

2009-جىلدىڭ قازانىندا ق ر پارلامەنتى ءماجىلىسىنىڭ كەڭسەسىندە مەملەكەتتىك قىزمەتكە دەپۋتاتتىڭ كومەكشىسى رەتىندە قابىلداندى، وندا 2014-جىلدىڭ قاڭتارىنا دەيىن جۇمىس ىستەدى.

2014-جىلدىڭ قاڭتارىنان 2019-جىلدىڭ ساۋىرىنە دەيىن ق ر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ بولىمىندە ساراپشى، كەڭەسشى، ينسپەكتور بولىپ جۇمىس ىستەدى.

2019-جىلدىڭ ءساۋىر ايىنان باستاپ سوڭعى تاعايىندالعانعا دەيىن ق ر قارجى مينيسترلىگى مەملەكەتتىك كىرىستەر كوميتەتىنىڭ ادام رەسۋرستارى جانە ىشكى باسقارۋ دەپارتامەنتىنىڭ ديرەكتورى قىزمەتىن اتقاردى.