+7 (701) 759 90 19
USD 425.77 EUR 494.28
RUB 5.95 CNY 66.14
جاڭالىقتار

گولوۆكيننىڭ شارشى الاڭعا ورالاتىن ۋاقىتى بەلگىلى بولدى

20 قىركۇيەك 20:57
:ءبولىسۋ
گولوۆكيننىڭ شارشى الاڭعا ورالاتىن ۋاقىتى بەلگىلى بولدى

نۇر-سۇلتان. قازاقپارات - ورتا سالماقتا IBF بەلبەۋىنىڭ يەگەرى قازاقستاندىق گەننادي گولوۆكين كەلەسى كەزدەسۋىن جەلتوقسان ايىندا وتكىزەدى.

بۇل تۋرالى Sportarena.com پورتالى حابارلادى.

پروموۋتەر توم لەففلەردىڭ ايتۋىنشا، گولوۆكيننىڭ قارسىلاسى بەلگىسىز. ال ونىڭ ساۋل الۆارەسپەن ءۇشىنشى كەزدەسۋى 2022-جىلى ءوتۋى مۇمكىن.

«قازىر گولوۆكين لوس-اندجەلەس قالاسىندا. شارشى الاڭعا جىلدىڭ سوڭىندا ورالۋعا نيەتتى. ءبىراق ءالى ەشقانداي كەلىسىمشارت جاسالمادى. دەگەنمەن جىلدىڭ سوڭىندا ول شارشى الاڭعا شىققىسى كەلەدى»، - دەيدى لەففلەر.

«الۆارەستىڭ DAZN پلاتفورماسىمەن كەلىسىمشارتى بار كەزدە ونىڭ قارسىلاسى گولوۆكين بولۋى كەرەك ەدى. الايدا 2019-جىلى ول كەزدەسۋ وتپەي قالدى. بۇل گولوۆكيننىڭ كىناسى ەمەس. ولاردىڭ كەزدەسۋى ەندى 2022-جىلى وتەتىن شىعار»، - دەدى پروموۋتەر.

ەسكە سالايىق، وسىعان دەيىن گولوۆكيننىڭ قارسىلاسى ورتا سالماقتا WBA (Regular) بەلبەۋىنىڭ يەگەرى جاپونيالىق ريوتا مۋراتا بولۋى مۇمكىن دەگەن اقپارات شىققان ەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات