گولوۆكيننىڭ شارشى الاڭعا ورالاتىن ۋاقىتى بەلگىلى بولدى
بۇل تۋرالى Sportarena.com پورتالى حابارلادى.
پروموۋتەر توم لەففلەردىڭ ايتۋىنشا، گولوۆكيننىڭ قارسىلاسى بەلگىسىز. ال ونىڭ ساۋل الۆارەسپەن ءۇشىنشى كەزدەسۋى 2022-جىلى ءوتۋى مۇمكىن.
«قازىر گولوۆكين لوس-اندجەلەس قالاسىندا. شارشى الاڭعا جىلدىڭ سوڭىندا ورالۋعا نيەتتى. ءبىراق ءالى ەشقانداي كەلىسىمشارت جاسالمادى. دەگەنمەن جىلدىڭ سوڭىندا ول شارشى الاڭعا شىققىسى كەلەدى»، - دەيدى لەففلەر.
«الۆارەستىڭ DAZN پلاتفورماسىمەن كەلىسىمشارتى بار كەزدە ونىڭ قارسىلاسى گولوۆكين بولۋى كەرەك ەدى. الايدا 2019-جىلى ول كەزدەسۋ وتپەي قالدى. بۇل گولوۆكيننىڭ كىناسى ەمەس. ولاردىڭ كەزدەسۋى ەندى 2022-جىلى وتەتىن شىعار»، - دەدى پروموۋتەر.
ەسكە سالايىق، وسىعان دەيىن گولوۆكيننىڭ قارسىلاسى ورتا سالماقتا WBA (Regular) بەلبەۋىنىڭ يەگەرى جاپونيالىق ريوتا مۋراتا بولۋى مۇمكىن دەگەن اقپارات شىققان ەدى.