تاڭ الدە كەش: ساباقتى قاي ۋاقىتتا قاراعان دۇرىس؟

None
None
نۇر-سۇلتان. قازاقپارات - ەمتيحان مەن باقىلاۋ جۇمىسىن نەمەسە باسقا دا جاۋاپتى تاپسىرما ورىنداردا وقۋشى دا، ستۋدەنت تە ساباققا باس قوياتىنى بار.

بەرگەن ماتەريالدىڭ ءبارىن جاتتاۋعا، مۇقيات وقۋعا كوشەدى. وقىعاننىڭ ءبارى ەستە قالعانى اسا ماڭىزدى. ونىڭ ۇستىنە، ۋاقىت تا تىعىز. نە ىستەمەك كەرەك؟ قالاي بارىنشا تەز وقىپ، ەستە ساقتايمىز؟

سودان وقۋشىنىڭ ويىندا تەز جاتتاۋ ءۇشىن تاڭەرتەڭ وقيىن با الدە كەشكە وقيىن با دەگەن ساۋال تۋادى؟ مي تىنىققان سوڭ، وقىعان دا پايدالى، ارينە.

ءبىراق ماماندار ساباقتى تاڭەرتەڭ ەمەس، كەشكە، ۇيىقتار الدىندا وقىعاننىڭ پايداسى كوبىرەك دەگەندى ايتادى. نەگە دەسەڭىز، ادامنىڭ ۇيقىسى جاتتاعان ساباقتى ەستە ساقتاۋعا كومەكتەسەدى ەكەن.

«كۇندىز نە ويلاساڭ، تۇسىڭدە سونى كورەسىڭ» دەيدى حالقىمىز. سونىڭ شىندىعى بار بولىپ شىقتى.

ياعني، ۇيىقتار الدىندا ساباقتى جاتتاپ، قاراپ، ويىڭىزعا توقىپ الساڭىز، ۇيىقتاعاننان كەيىن سونى ادام ميى وزىنە توقىپ الاتىن كورىنەدى. بۇل دا ءبىر ميدىڭ ەرەكشەلىگى.

سوندىقتان ماماندار ۇيىقتار الدىندا وقيتىن ماتەريالدىڭ ءبارىن وقىپ الىپ بارىپ ۇيىقتاعان ءجون دەگەندى العا تارتادى.

تاعى ءبىر كەڭەس - ساباقتى توپتىق جۇمىسپەن قاراۋ. ياعني، باسقا سىنىپتاس نە توپتاس دوستارىڭىزبەن بىرگە قاراساڭىز - سوعۇرلىم ەستە قالماق.

ساباق قاراردا سمارتفون، تەلەديدار سىندى نازار بۇزار زاتتاردى الىپ تاستاعان ءجون.

massaget.kz

سوڭعى جاڭالىقتار