جارتى عاسىر ۇيقىدا جاتقان جانارتاۋ قايتا اتقىلادى

None
None
نۇر-سۇلتان. قازاقپارات - كانار ارحيپەلاگىنىڭ قۇرامىنا كىرەتىن يسپانيانىڭ پالما ارالىندا بىرنەشە جەر سىلكىنىسىنەن كەيىن كۋمبرە-ۆەحا جانارتاۋ جوتاسىندا اتقىلاۋ باستالدى.

بۇل ۆۋلكاندار تىزبەگىندەگى اتقىلاۋ سوڭعى رەت 1971-جىلى تىركەلگەن ەكەن.

بۇل تۋرالى The Guardian حابارلادى.

وتكەن اپتادا ماماندار اۋداندا 22 مىڭنان استام جەر سىلكىنىسىن تىركەدى. ەڭ كۇشتى جەر سىلكىنىسىنىڭ ماگنيتۋداسى 4,2 بولدى. يسپانيا بيلىگى بەس مىڭنان استام ادامدى ەۆاكۋاتسيالادى. جالپى سانى ون مىڭعا جۋىق ادامدى باسقا جەرگە كوشىرۋ جوسپارلانىپ وتىر.

لاۆا اعىندارى 700 م/ساعات جىلدامدىقپەن قوزعالىپ، قازىردىڭ وزىندە ادامدار مەكەندەيتىن اۋداندارعا جەتكەن.

جولىنداعى 100 گە جۋىق ءۇي قيراتىلعان، سونىمەن قاتار كوپتەگەن ينفراقۇرىلىمدىق نىساندار زاقىمدالعان. كراتەردەن ۆۋلكاننىڭ بەلسەندى اتقىلاۋى ءالى دە ءجۇرىپ جاتىر.

massaget.kz

سوڭعى جاڭالىقتار