+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

ستەپنوگوردا ەر ادام ءدامحانادا اسقا شاشالىپ كوز جۇمدى

20 قىركۇيەك 20:12
:ءبولىسۋ
ستەپنوگوردا ەر ادام ءدامحانادا اسقا شاشالىپ كوز جۇمدى

كوكشەتاۋ. قازاقپارات - ستەپنوگوردە ەر ادام ءدامحانادا اسقا شاشالىپ كوز جۇمدى، دەپ حابارلايدى قازاقپارات ءتىلشىسى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، وقيعا 19-قىركۇيەك ساعات 19:50 شاماسىندا بولعان.

بۇل تۋرالى جەدەل جاردەم قىزمەتىنە ايەل ادام حابارلاسىپ ايتقان.

«ساعات 19:58 دە 102 نومىرىنە ايەل ادام قوڭىراۋ شالىپ، «شاشلىكوۆ» ءدامحاناسىندا ەر ادامنىڭ جاعدايى كۇرت ناشارلاپ، ءتۇرى بوزارىپ بارا جاتقاندىعىن ايتقان. سونىمەن بىرگە، ول ەر ادامدى ءوز كولىگىمەن اۋرۋحاناعا الىپ كەتكەندىگىن، جولدا ولاردى جەدەل جاردەم بريگاداسى كۇتىپ الۋىن سۇراعان»، - دەلىنگەن اقپاراتتا.

الايدا، كەيبىر باسىلىمدار مەن الەۋمەتتىك جەلى قولدانۋشىلار جەدەل جاردەم قىزمەتىنىڭ شاقىرۋ بويىنشا كەلمەگەنىن ايتىپ، سىناۋدا.

«قالادا تاۋلىك بويى جۇمىس ىستەيتىن جالعىز عانا ديسپەتچەرلىك بەكەت بار. وندا ساعات 19:10 جانە 20:00 ارالىعىندا 103 نومىرىنە 13 رەت قوڭىراۋ شالىنعان. ديسپەتچەر قوڭىراۋدى تىركەدى، ءبىراق بريگادا جولعا شىققان جوق. ويتكەنى 20:00 دە اۋرۋحانادان حابارلاسىپ، ەر ادامنىڭ دەنەسى جەتكىزىلگەنىن حابارلادى. قازىرگى كەزدە، وسى وقيعاعا بايلانىستى قىزمەتتىك تەكسەرىس جۇرگىزىلۋدە»، - دەپ تولىقتىردى ۆەدومستۆودان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات