نۇر-سۇلتاندا قانشا مىڭ جاس ءوسپىرىم سپورتپەن تەگىن اينالىسىپ ءجۇر؟
بۇل تۋرالى نۇر-سۇلتان قالاسى اكىمدىگى «استانا جاستارى» ورتالىعى باسشىسىنىڭ ورىنباسارى ايان ەرمەنتايەۆ ءمالىم ەتتى، دەپ حابارلايدى قازاقپارات ءتىلشىسى.
«ءبىزدىڭ ورتالىققا جاستار ءتۇرلى ماسەلەلەر بويىنشا جۇگىنەدى. سونىڭ ءبىرى سپورتتىق سەكسيالار مەن ۇيىرمەلەر. سپورتپەن اينالىسامىن دەگەن جاستارعا بۇگىندە ەلوردادا «اۋلا كلۋبتارى» دەگەن جوبا بار. ونىڭ اياسىندا قازىرگى 3 مىڭعا جۋىق جاس سپورتپەن تەگىن اينالىسىپ جاتىر. ونىڭ قاتارىندا بوكس، فۋتبول، كاراتە جانە تاعى باسقا سپورت تۇرلەرى بار. ودان بولەك، ءبىزدىڭ ورتالىق ماماندارى جاستارعا زاڭگەرلىك جانە پسيحولوگيالىق كومەك، قولداۋ كورسەتەدى. اتالعان قىزمەتتەر بويىنشا جاستارعا قولداۋ كورسەتۋ تەگىن جانە ول ونلاين، وففلاين فورماتتا جۇرەدى. ودان بولەك، ءبىز ورتالىق قالاداعى بارلىق ارناۋ ورتا ءبىلىم بەرەۋ جانە جوعارى وقۋ ورىندارىمەن تىعىز بايلانىستا. وسى ورايدا ءبىز تالاپكەرلەرگە وقۋ ورنىنا ءتۇسۋ بويىنشا دا ءتيىستى كەڭەس بەرە الامىز»، - دەدى ا. ەرمەنتايەۆ.
بۇعان دەيىن حابارلاعانىمىزداي، بيىل جىل سوڭىنا دەيىن ەلوردادا جاستارعا ارنالعان 3 ورتالىق ىسكە قوسىلادى. ودان بولەك، «استانا جاستارى» ورتالىعىنىڭ وكىلى نۇر- سۇلتان قالاسىندا العاش رەت اشىلعان جاستارعا ارنالعان قىزمەت كورسەتۋ ورتالىعىنىڭ جۇمىسىمەن تانىستىرعان ەدى.