قاپشاعاي سۋ قويماسىنان ەكى ادام قۇتقارىلدى

None
None
الماتى. قازاقپارات - بالىق اۋلاعا شىققان ەكى جىگىتتى قاپشاعاي سۋ ەلەكتر ستانساسىنىڭ قۇرىلىس اۋماعىنا قاراي اعىزىپ اكەتكەن، دەپ حابارلايدى قازاقپارات ءتىلشىسى.

الماتى وبلىستىق توتەنشە جاعدايلار دەپارتامەنتىنىڭ مالىمەتىنشە، 19- قىركۇيەك كۇنى ساعات 14:50 شاماسىندا قاپشاعاي سۋ قويماسىنا بالىق اۋلاۋعا رەزەڭكە قايىقپەن اتتانعان 2001 جانە 2002 -جىلى تۋعان ەكى ازاماتتى سۋ اعىنى قاپشاعاي سەس قۇرىلىسى جاعىنا الىپ كەتكەن.

«وقيعا ورنىنا ت ج د جەدەل- قۇتقارۋ جاساعىنىڭ قۇتقارۋشىلارى موتورلى قايىقپەن جىبەرىلدى. وقيعا ورنىنا كەلگەن بويدا، قايىق قاپشاعاي سەس بوگەتىنە قاتتى اعىسپەن كەلىپ، ول جەردەن بالالار ءوز بەتىنشە شىعا الماعانى انىقتالدى. ولار بوگەتتىڭ قۇرىلىسىنا كوتەرىلىپ، كومەك كۇتكەن»، - دەپ حابارلادى ۆەدومستۆادان.

ەكى جاس جىگىتتى قۇتقارۋشىلار جاعاعا جەتكىزىپ، ولارعا سۋداعى قاۋىپسىز ءجۇرىس- تۇرىس ەرەجەلەرىن ءتۇسىندىرۋ بويىنشا پروفيلاكتيكالىق جۇمىس جۇرگىزدى.

اۆتور: الما مۇقانوۆا

سوڭعى جاڭالىقتار