قازاقستان ۇكىمەتى مەن رەسەيلىك «سبەر» اراسىنداعى مەموراندۋم جوباسى جاريالاندى
قاۋلىدا قازاقستان رەسپۋبليكاسىنىڭ ۇكىمەتى سيفرلىق ترانسفورماتسيا مەن سيفرلاندىرۋدىڭ پلاتفورمالىق مودەلىنە كوشۋگە مۇددەلى ەكەنى ايتىلعان.
«قازاقستاندىق باعدارلامالىق قامتىلىم ازىرلەۋشىسى - «BTS Digital» ج ش س (قازاقستان رەسپۋبليكاسى ۇكىمەتىنىڭ % 40 ۇلەسى بار ERG توبىنىڭ ەنشىلەس كومپانياسى) سيفرلىق پلاتفورمالىق شەشىمدەردى جاساۋ ىسىندە تەحنولوگيالارى، تاجىريبەسى مەن قۇرالدارى بار «سبەر» كومپانيالار توبىنىڭ ستراتەگيالىق ارىپتەسى بولىپ ايقىندالدى.
جالپى پراكتيكاداعى تەڭ قۇقىقتىق، ىزگى نيەت، قۇرمەت پەن سەنىم نەگىزىندە ارەكەت ەتە وتىرىپ، سبەر كومپانيالارى توبىنىڭ ستراتەگيالىق ارىپتەسىنىڭ جانە «استانا» حالىقارالىق قارجى ورتالىعى مەن ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ قازاقستان رەسپۋبليكاسىنا تيەسىلى بەيىندى ۇيىمدارىنىڭ قاتىسۋىمەن جوبانى ىسكە اسىرۋ ءۇشىن ارنايى كونسورتسيۋم قۇرۋ تۋرالى شەشىم كەلىسىلدى»، - دەلىنگەن قۇجاتتا.
مەمورانۋدم اياسىندا 2021 -جىلدىڭ سوڭىنا دەيىن «سبەر»، BTS Digital جانە ونىڭ ۇلەستەس تۇلعاسى اراسىندا govtech پلاتفورماسىن مامانداندىرىلعان دەرەكتەر ورتالىعىنىڭ بازاسىندا ورنالاستىرۋ ءۇشىن قورعالعان ديناميكالىق ينفراقۇرىلىم قۇرۋ تۋرالى كەلىسىمگە قول قويۋ جوسپارلانىپ وتىر. سونداي- اق، «ۇلتتىق اقپاراتتىق تەحنولوگيالار» ا ق مەن «سبەربانك» ج ا ق اراسىندا قازاقستان رەسپۋبليكاسىنىڭ مەملەكەتتىك كەپىلدىگىمەن «ۇ ا ت» ا ق- عا كرەديتتىك جەلى بەرۋ تۋرالى كەلىسىم جاسالماقشى. كرەديتتىك جەلى رەسەي رۋبلىمەن، 2022 -جىلدىڭ ءبىرىنشى توقسانىنىڭ سوڭىنا دەيىن 500 ميلليون دوللار كولەمىندە بەرىلەدى.
قۇجات بويىنشا، سبەر كومپانيالار توبى ۇسىنىلاتىن باعدارلامانىڭ اقپاراتتىق قاۋىپسىزدىگىنە، قۇجاتتان تىس فۋنكتسيالاردىڭ جوقتىعىنا كەپىلدىك بەرۋى ءتيىس. ال GovTech پلاتفورماسىنىڭ جانە ونداعى دەرەكتەردىڭ اقپاراتتىق قاۋىپسىزدىگىن قامتاماسىز ەتۋ قازاقستان رەسپۋبليكاسىنىڭ «مەملەكەتتىك تەحنيكالىق قىزمەت» اكسيونەرلىك قوعامىنا جۇكتەلەدى.
سبەر كومپانيالار توبى قازاقستان تارابىنا Platform V پلاتفورماسىنىڭ كومپونەنتتەرىنە كودتىق اۋديت جۇرگىزۋ مۇمكىندىگىن بەرەدى. بۇل رەتتە شەتەلدىك تەحنيكالىق مامانداردىڭ GovTech پلاتفورماسىنىڭ جانە «ەلەكتروندىق ۇكىمەتتىڭ» اقپاراتتىق- كوممۋنيكاتسيالىق ينفراقۇرىلىمىنا قولجەتىمدىلىگى قازاقستاننىڭ مەملەكەتتىك تەحنيكالىق قىزمەتى مەن ۇلتتىق قاۋىپسىزدىك قىزمەتى قوياتىن تالاپتارىنا سايكەس بولۋى كەرەكتىگى ايتىلعان.
«مەموراندۋم تاراپتار قول قويعان كۇننەن باستاپ كۇشىنە ەنەدى. مەموراندۋمنىڭ قولدانىلۋى تاراپتار قۇجاتتا كورسەتىلگەن ىنتىماقتاستىقتىڭ بارلىق باعىتتارى بويىنشا مىندەتتەيتىن كەلىسىمدەرگە قول قويعان كۇننەن باستاپ، 2022 -جىلعى 31- جەلتوقساننان كەشىكتىرمەي توقتاتىلادى. وسى مەموراندۋم تاراپتاردىڭ ءبىرىنىڭ باستاماسى بويىنشا ەكىنشى تاراپتى وتىز كۇن بۇرىن جازباشا حاباردار ەتۋ ارقىلى كەز كەلگەن ۋاقىتتا بۇزىلۋى مۇمكىن»، - دەپ جازىلعان قاۋلى ماتىنىندە.
قاۋلىنىڭ تولىق نۇسقاسىن مىنا جەردەن وقۋعا بولادى. ەسكە سالساق، ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين كوپشىلىك اراسىندا قىزۋ تالقىلانىپ جاتقان اتالمىش ماسەلە بويىنشا تۇسىنىكتەمە بەردى. ال ءماجىلىس دەپۋتاتى ماقسات رامانقۇلوۆ وسى ماسەلە بويىنشا پرەمەر- مينيسترگە دەپۋتاتتىق ساۋال جولداعان ەدى. باعدات مۋسين وسى ماسەلە بويىنشا Qazaqstan تەلەارناسىداعى Ashyq ala باعدارلاماسىندا دا پىكىر ءبىلدىردى. اۆتور: ەسىمجان ناقتىباي