ادامدار جارىلعىش زات تۋرالى جالعان حابارلامانى نە ءۇشىن جاسايدى
بۇل تۋرالى ق ر ءى ءى م ەكسترەميزمگە قارسى ءىس-قيمىل دەپارتامەنتى باستىعىنىڭ ورىنباسارى دارحان رازۋيەۆ ايتتى، دەپ حابارلايدى قازاقپارات ءتىلشىسى.
«تەلەفونمەن جارىلعىش زات تۋرالى حابارلايتىن بۇزاقىلار ونىڭ سالدارى قانشالىقتى اۋىر ەكەنىن ويلامايدى دا. مىسالى، ادامدار ۇرەيلەنىپ، داۋرىققاندا ءبىر-ءبىرىن يتەرىپ، سونىڭ سالدارىنان اتا-انالار بالاسىنان اداسىپ قالۋى مۇمكىن. ولاردىڭ اراسىندا جۇكتى ايەلدەر، مۇگەدەك ادامدار بولاتىن كەزدەر دە ورىن العان»، - دەدى ەدى ول ءى ءى م باسپا ءسوز قىزمەتى الاڭىندا بريفينگ بارىسىندا.
ونىڭ اتاپ وتۋىنشە، جۇرگىزىلگەن تالداۋعا سايكەس، مۇنداي قوڭىراۋلاردى ادامدار ەرىككەننەن، ءازىل رەتىندە نەمەسە ماس كۇيدە جاسايدى.
«سەبەپتەرى دە ءار ءتۇرلى، ولار: كەك الۋ، بۇزاقىلىق، مەكەمەنىڭ جۇمىسىنا كەدەرگى كەلتىرۋ، مەكتەپتەگى ساباقتى بولدىرماۋ، قۇقىق قورعاۋ ورگاندارىنىڭ جۇمىسىن تەكسەرۋ. كامەلەتكە تولماعاندار مۇنداي قىلمىسقا نە ءۇشىن بارادى؟ ولار دوستارىنىڭ اراسىندا ءوزىن باتىر ەكەنىن كورسەتكىسى كەلەدى، كەيبىردە ءۇي تاپسىرماسىن ورىنداماعاندىقتان ساباققا قاتىسپاۋ ءۇشىن وسىلاي ىستەيدى. مىسالى، ستاتيستيكاعا سايكەس جالعان حابارلامالار بەرگەنى ءۇشىن سوتتالعانداردىڭ 48 دەن 55 پايىزعا دەيىنى قىلمىس جاساعان ساتتە قاتتى ماس بولعان»، - دەدى دارحان رازۋيەۆ.