الداعى تاۋلىكتەردە قازاقستاننىڭ باس بولىگىندە ۇسىك جۇرەدى - قازگيدرومەت

نۇر-سۇلتان. قازاقپارات - قازگيدرومەت 21-23-قىركۇيەگىنە ارنالعان اۋا رايى بولجامىن جاريالادى، دەپ حابارلايدى قازاقپارات.

اتموسفەرالىق فرونتالدى جۇيەلەرمەن باتىستا، وڭتۇستىك پەن وڭتۇستىك-شىعىستىڭ تاۋلى اۋداندارىندا جاڭبىر جاۋادى، ەلدىڭ سولتۇستىگى مەن شىعىسىندا ەكپىندى جەلمەن ازداعان جاۋىن- شاشىن بولادى.

اۋا تەمپەراتۋراسى ەلدىڭ باتىسىندا تۇندە 3-17، كۇندىز 12-28 جىلى، سولتۇستىك- باتىستا تۇندە 0-7 جىلى، كەي جەرلەردە 3 گرادۋس ۇسىك جۇرەدى.

ال ورتالىقتا جانە وبلىستىڭ شىعىسىندا تۇندە 0-5 جىلى، 3 گرادۋسقا دەيىن ۇسىك كۇتىلەدى. ەلدىڭ وڭتۇستىگى مەن وڭتۇستىك- شىعىستا اۋا تەمپەراتۋراسى تۇندە 4-15، كۇندىز 17-28 گرادۋس جىلى بولادى.