پاۆلوداردا كيىمى ءۇشىن وقۋشىنى قورلاعان مەكتەپ ديرەكتورى جازالاندى
پاۆلودار قالاسىنىڭ ءبىلىم بەرۋ ءبولىمى مالىمەتىنشە، وقۋشىلار الدىندا التىنشى سىنىپ وقۋشىسىن دجينسى كيگەنى ءۇشىن قورلاعان مەكتەپ ديرەكتورى سوگىس العان.
«ءىس اياقتالدى. بارلىق تاراپ تىڭدالدى. ىشكى تەرگەۋ ناتيجەسى بويىنشا مەكتەپ ديرەكتورىنا سوگىس جاريالاندى»، - دەدى پاۆلودار ءبىلىم باسقارماسى وكىلدەرى.
بۇل تۋرالى Tengrinews.kz حابارلاعان بولاتىن.
بۇل جەردە مەكتەپ وقۋشىسىنىڭ اناسىنىڭ مەكتەپ ديرەكتورىنا ەشقانداي شاعىمى جوق ەكەنى ايتىلدى.
«بالانىڭ اناسىنىڭ ايتۋىنشا، بۇرىنعى كۇيەۋىنىڭ الەۋمەتتىك جەلىلەردە ايتقان اڭگىمەسى اسىرا ايتىلعان. نەگىزىندە بالانىڭ جىلاپ، كەلگەنى جالعان. بالانىڭ اناسى ءبىلىم ءبولىمىنىڭ باسشىسىندا بولدى، سول كەزدە ءبارى انىقتالدى. ول قىزىنىڭ جاعدايى جاقسى ەكەنىن ايتتى»، - دەدى پاۆلودار قالالىق ءبىلىم ءبولىمىنىڭ باسپا ءسوز قىزمەتى وكىلى.
بۇعان دەيىن مۇعالىمنىڭ وقۋشى قىزدىڭ اتا-اناسىنان كەشىرىم سۇراعانى حابارلانعان بولاتىن.