پاندەميا كەزىندە تۋريستەر ءۇشىن ەڭ قاۋىپتى ەلدەر اتالدى

نۇر-سۇلتان. قازاقپارات - گەرمانياداعى روبەرت كوح ينستيتۋتى (RKI) ەلدەر بويىنشا COVID-19 جۇقتىرعان نەمىس تۋريستەرىنىڭ سانى تۋرالى مالىمەتتەردى قورىتىندىلادى جانە ەڭ قاۋىپتى باعىتتاردىڭ ءتىزىمىن جاسادى.

بۇل تۋرالى Frankfurter Rundschau سايتى جازدى، - دەپ حابارلايدى Kaz.tengritravel.kz ءتىلشىسى.

RKI مالىمەتتەرى بويىنشا، گەرمانيادا سوڭعى ءتورت اپتادا كوروناۆيرۋس جۇقتىرعان 87572 ادام انىقتالدى. ونىڭ ىشىندە 26218 پاتسيەنت شەت مەملەكەتتەن جۇقتىرعان.

«قازىرگى ينفەكسيا جۇقتىرعانداردىڭ كوبى بالقان ەلدەرىندە جۇقتىرعان. كوبىنەسە اۋرۋ جۇقتىرعان ەل رەتىندە تۇركيانى كورسەتتى، بۇل ەلدەن كەلگەن 6087 دەمالۋشى تىركەلدى»، - دەلىنگەن ينستيتۋتتىڭ حابارلاماسىندا.

5,7 مىڭعا جۋىق پاتسيەنت ۆيرۋستى تانىلماعان كوسوۆودا جۇقتىرعان. ءۇشىنشى ورىندا حورۆاتيا، وندا ەكى جارىم مىڭعا جۋىق نەمىس جۇقتىردى. سونداي-اق، تۋريستەر اراسىندا تانىمال بولعان گرەكيا مەن يتاليا دا انتي-رەيتينگتىڭ وندىعىنا كىردى.