كوروناۆيرۋس ناۋقاستارىمەن بايلانىستا بولعان ادامداردى وقشاۋلاۋ ءتارتىبى وزگەردى - قاۋلى
قاۋلىمەن بىرگە بەرىلگەن 35-قوسىمشادا COVID-19 ينفەكسياسىن جۇقتىرۋ تاۋەكەلى جوعارى بولعان ادامداردى وقشاۋلاۋ ءتارتىبى قايتا جازىلعان. اتاپ ايتقاندا، ناۋقاسپەن جاقىن بايلانىستا بولۋدىڭ شارتتارى ناقتىلانعان.
ولار: - COVID-19 جاعدايىمەن ءبىر تۇرعىن ۇيدە بىرگە تۇراتىن ادام؛
- COVID-19-بەن اۋىراتىن ناۋقاسپەن نەمەسە COVID-19 جاعدايىنىڭ ينفەكسيالىق بولىندىلەرىمەن قورعالماعان تىكەلەي بايلانىستا بولعان ادام (مىسالى، جوتەلۋ، قول الىسۋ كەزىندە جانە ت. ب. )؛
- ج ق ق (قورعانىش ماسكاسىن) پايدالانباي جابىق ءۇي- جايدا (مىسالى، سىنىپتا، كەڭەسكە ارنالعان بولمەدە، اۋرۋحاناداعى كۇتۋ بولمەسىندە جانە ت. ب. ) COVID-19 جاعدايىمەن بىرگە 15 مينۋت نەمەسە ودان كوپ ۋاقىت ىشىندە 1,5 مەتردەن كەم قاشىقتىقتا بولعان ادام؛
- COVID-19 جاعدايىنا تىكەلەي كۇتىمدى قامتاماسىز ەتەتىن مەديتسينا قىزمەتكەرى نەمەسە باسقا دا ادام نەمەسە ۇسىنىلعان ج ق ق- سىز نە ج ق ق- نى قولدانۋدى بۇزۋ مۇمكىندىگىمەن COVID-19 جاعدايىنىڭ بيوۇلگىلەرىمەن جۇمىس ىستەگەن زەرتحانا ماماندارى؛
- ۇشاقتا، قالاارالىق قاتىناستاعى اۆتوبۋستا، پوەزدا، COVID-19-بەن اۋىراتىن ناۋقاستان كەز كەلگەن باعىتتا ەكى ورىندىق قاشىقتىقتا بولعان بايلانىستا بولعان ادام، سونداي-اق COVID-19-بەن اۋىراتىن ناۋقاس ۇشقان ۇشاقتىڭ سەكسياسىنا قىزمەت كورسەتكەن ەكيپاج مۇشەلەرى رەتىندە ايقىندالادى.
«جاقىن بايلانىستا بولعانداردى انىقتاۋ ءۇشىن ەپيدەميولوگيالىق بايلانىستاردى تەرگەپ- تەكسەرۋ كەزەڭى COVID-19 جاعدايى انىقتالعانعا دەيىن 14 تاۋلىك بۇرىن باستالۋى جانە COVID-19 جاعدايىن وقشاۋلاۋ ساتىمەن اياقتالۋى ءتيىس»، - دەپ جازىلعان قۇجاتتا.
سونداي-اق، قاۋلى ناۋقاسپەن بايلانىستا بولعان ادامدارعا قاتىستى مىناداي شارالار قابىلداۋ كەرەكتىگىن نۇسقايدى:
1) COVID-19-عا قارسى ۆاكسيناتسيانىڭ تولىق كۋرسىن العانى تۋرالى قۇجاتتامالىق راستاۋ بولماعان كەزدە COVID-19-بەن اۋىراتىن ناۋقاسپەن بايلانىستا بولعان ادامدار (جاقىن بايلانىس) 14 كۇنگە ۇيدە وقشاۋلاۋعا (ءۇي كارانتينى) جاتادى. وقشاۋلاۋدىڭ 3-كۇنى پ ت ر ادىسىمەن COVID-19-عا بايلانىستا بولعان ادامدى (جاقىن بايلانىس) زەرتحانالىق تەكسەرۋ ءۇشىن سىناما الۋ جۇرگىزىلەدى.
پ ت ر زەرتتەۋ تەرىس بولعان جاعدايدا م س ا ك مامانى كۇن سايىن 14 كۇن بويى تەلەفون ارقىلى بايلانىستا بولعان ادامنان ونىڭ دەنساۋلىق جاعدايىن (دەنە تەمپەراتۋراسى، اۋرۋ بەلگىلەرىنىڭ بولۋى) ناقتىلايدى، 14 كۇن وتكەننەن كەيىن COVID-19 بەلگىلەرى بولماعان جاعدايدا كارانتين مەن وقشاۋلاۋ اياقتالادى. پ ت ر-زەرتتەۋدىڭ وڭ ناتيجەسى بولعان كەزدە م س ا ك مامانى سانيتاريالىق- ەپيدەميولوگيالىق كوميتەتتىڭ اۋماقتىق بولىمشەسىنە COVID-19-بەن اۋىراتىن ناۋقاسقا جەدەل حابارلاما بەرەدى.
2) COVID-19-عا قارسى ۆاكسيناتسيالاۋدىڭ تولىق كۋرسىن العانى تۋرالى قۇجاتتامالىق راستاۋ بولعان كەزدە COVID-19-بەن اۋىراتىن ناۋقاسپەن بايلانىستا بولعان ادامدار (جاقىن بايلانىس) م س ا ك مامانىنىڭ مەديتسينالىق تەكسەرۋىنە جاتادى.
COVID-19 بەلگىلەرى بولماعان كەزدە بايلانىستا بولعان ادامدار ءۇي كارانتينىنە وقشاۋلانبايدى، COVID-19-عا زەرتحانالىق تەكسەرۋ جۇرگىزىلمەيدى، م س ا ك مامانى كۇن سايىن 14 كۇن بويى تەلەفون ارقىلى بايلانىستا بولعان ادامنان ونىڭ دەنساۋلىق جاعدايىن (دەنە تەمپەراتۋراسى، اۋرۋ بەلگىلەرىنىڭ بولۋى) ناقتىلايدى.
اۋرۋدىڭ بەلگىلەرى پايدا بولعان كەزدە بايلانىستا بولعان ادام پ ت ر- تەست ناتيجەلەرىن العانعا دەيىن پ ت ر ادىسىمەن COVID-19-عا زەرتحانالىق تەكسەرۋگە جانە ۇيدە وقشاۋلاۋعا (ءۇي كارانتينى) جاتادى. COVID-19 دياگنوزى راستالعان كەزدە م س ا ك مامانى سانيتاريالىق- ەپيدەميولوگيالىق باقىلاۋ كوميتەتىنىڭ اۋماقتىق بولىمشەسىنە COVID-19-بەن اۋىراتىن ناۋقاسقا شۇعىل حابارلاما بەرەدى.
3. سيمپتومسىز ۆيرۋس تاسىمالداۋشىلىق كەزىندە پاتسيەنت امبۋلاتوريالىق جاعدايدا مەديتسينالىق باقىلاۋعا جانە وسى قاۋلىعا 36-قوسىمشاعا سايكەس وقشاۋلاۋ جاعدايلارى بولعان كەزدە COVID-19-بەن اۋىراتىن ناۋقاسپەن سوڭعى بايلانىستا بولعان ساتتەن باستاپ 14 كۇنگە ۇيدە وقشاۋلاۋعا (ءۇي كارانتينى) جاتادى.
ۋچاسكەلىك تەراپيەۆت كۇن سايىن كوروناۆيرۋستىق ينفەكسيانىڭ كلينيكالىق سيمپتومدارىنىڭ بولۋىنا ءۇي كارانتينىندەگى سيمپتومسىز ۆيرۋس تاسىمالداۋشىعا قوڭىراۋ شالۋعا مىندەتتى. ءۇي كارانتينىندەگى سيمپتومسىز ۆيرۋس تاسىمالداۋشىدا اۋرۋدىڭ كلينيكالىق بەلگىلەرى پايدا بولعان كەزدە (دەنە تەمپەراتۋراسىنىڭ 38 گرادۋسقا دەيىن جانە ودان جوعارى كوتەرىلۋى، تاماقتىڭ جىبىرلاۋى جانە/نەمەسە اۋىرۋى، السىزدىك، جوتەل، باس اۋىرۋى، ەنتىگۋ، تىنىس الۋدىڭ قيىنداۋى جانە كوروناۆيرۋستىق ينفەكسيانىڭ باسقا دا سيمپتومدارى) ۋچاسكەلىك تەراپيەۆت سانيتاريالىق- ەپيدەميولوگيالىق باقىلاۋ كوميتەتىنىڭ اۋماقتىق بولىمشەسىنە COVID-19-بەن اۋىراتىن ناۋقاسقا جەدەل حابارلاما بەرەدى.
ال COVID-19-بەن اۋىراتىن ناۋقاسپەن بايلانىستا بولعان ادامنىڭ جانە شەتەلدەن قازاقستان رەسپۋبليكاسىنا اۆيارەيستەرمەن كەلگەن ادام قولحات تاپسىرادى.
ول قولحاتتىڭ مازمۇنىمەن مىنا جەردەن تانىسۋعا بولادى. ەسكە سالساق، بۇعان دەيىن - قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2021 -جىلعى 2-قىركۇيەكتەگى № 38-قاۋلىسىنا وزگەرىستەر ەنگىزىلگەندىگى تۋرالى حابارلاندى.
اۆتور: ەسىمجان ناقتىباي