اتىراۋلىق كيكبوكسشى الەم كۋبوگىن ەكىنشى رەت يەلەندى

None
None
اتىراۋ. قازاقپارات - اتىراۋلىق كيكبوكسشى الەم كۋبوگىن ەكىنشى رەت يەلەندى، دەپ حابارلايدى قازاقپارات.

وبلىستىق سپورت جانە دەنە شىنىقتىرۋ باسقارماسى باسپا ءسوز قىزمەتىنىڭ مالىمەتىنشە، 15-19 -قىركۇيەكتە ماجارستاندا كيكبوكستان الەم كۋبوگى وتكەن.

«بۋداپەشت قالاسىندا جالاۋى جەلبىرەگەن الەم كۋبوگى سايىسىنا 45 ەلدەن 3000 نان استام سپورتشى قاتىستى. بۇل دودادا اتىراۋ وبلىسىنان باق سىناعان سپورتشىلار 5 مەدالدى يەلەندى. سپورتشىلارىمىزدىڭ ەنشىسىندە 2 التىن، 1 كۇمىس جانە 2 قولا مەدال بار. ماسەلەن، 67 كەلىدە ەل نامىسىن قورعاعان ازامات وتەمىسوۆ الەم كۋبوگىن ەكىنشى رەت يەلەندى. ال، 51 كەلىدە قارسىلاستارىنان باسىمدىق تانىتقان نۇرسۇلتان جۇمابايەۆ التىن مەدالدى جەڭىپ الىپ، الەم كۋبوگىنىڭ يەگەرى اتاندى. ال رومان زۋباريەۆ (51 كەلى) كۇمىس، 57 جانە 67 كەلىدە سىنعا تۇسكەن ءجانالي سالىمگەرەي مەن سەرىكجان سالىمگەرەيەۆ قولا مەدالعا يە بولدى»، - دەپ ءمالىم ەتتى باسقارمانىڭ باسپا ءسوز قىزمەتىنەن.

ەسكە سالا كەتەلىك، بۇدان بۇرىن قازاقستاندىق دجيۋ- دجيتسۋ سپورتشىسى ازيانىڭ ءۇش دۇركىن چەمپيونى اتانعانىن حابارلاعان ەدىك.

سوڭعى جاڭالىقتار