يۋنەسكو اۋعانستاندا قىز بالالاردىڭ مەكتەپتە وقىماۋ ماسەلەسىنە الاڭداۋشىلىق ءبىلدىردى
«اۋعانستاننىڭ بولاشاعى اۋعان قىزدارى مەن ۇلدارىنىڭ ءبىلىم الۋ مۇمكىندىكتەرىنە تىكەلەي بايلانىستى. ءبىز اۋعانستاننىڭ بارلىق ءتيىستى وكىلدەرى مەن ورگاندارىنا مەكتەپتەردى اشۋ كەزەڭىندە بارلىق بالالارعا ەش كەدەرگىسىز ءبىلىم الۋعا مۇمكىندىك بەرۋگە شاقىرامىز. يۋنەسكو باسشىسىنىڭ ايتۋىنشا، مەكتەپتەرگە ايەل مۇعالىمدەردى قايتارۋ دا وتە ماڭىزدى»، - دەيدى ودرە ازۋلە.
ەلدەگى بيلىكتى باسىپ العان «تاليبان» قوزعالىسىنىڭ جەتەكشىلەرى ب ۇ ۇ وكىلدەرىنە قىزدار مەن ايەلدەردىڭ ءبىلىم الۋىنا ەش كەدەرگى كەلتىرمەيتىنى تۋرالى بىرنەشە رەت ۋادە بەرگەن. الايدا سوڭعى كۇندەرى ولار مەكتەپتەردىڭ تەك ۇل بالالارعا عانا اشىلاتىنىن مالىمدەدى.
قىزداردىڭ مەكتەپكە قاشان باراتىنا تۋرالى ەشتەمە ايتىلماعان. يۋنەسكو وكىلىنىڭ ايتۋىنشا، ەگەر قىزداردى دەر كەزىندە وقۋعا بارماسا، ونىڭ سالدارى اۋىر بولۋى مۇمكىن. سونىمەن قاتار ول اۋعان بالالارىنىڭ قۇقىعىن قورعايتىنىن، ولاردىڭ ءبىلىم الۋ قۇقىعى ۇجىمدىق جاۋاپكەرشىلىك ەكەنىن مالىمدەدى.