+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

بەس ادامعا «الماتى قالاسىنىڭ قۇرمەتتى ازاماتى» اتاعى بەرىلدى

19 قىركۇيەك 12:03
:ءبولىسۋ
بەس ادامعا «الماتى قالاسىنىڭ قۇرمەتتى ازاماتى» اتاعى بەرىلدى

الماتى. قازاقپارات - بۇگىن، قالا كۇنىندە «قالانىڭ قۇرمەتتى ازاماتى» اتاعىن بەرۋ جانە «ەڭبەگى ءۇشىن» توسبەلگىسىن تاپسىرۋ سالتاناتتى ءراسىمى ءوتتى، دەپ حابارلايدى قازاقپارات ءتىلشىسى.

الماتى اكىمى باقىتجان ساعىنتايەۆ قالا كۇنى ونىڭ قالىپتاسۋى مەن وسۋىنە ەرەكشە ۇلەس قوسقان قالا تۇرعىندارىنىڭ سىڭىرگەن ەڭبەگىن ەرەكشە اتاپ ءوتتى. ونىڭ ايتۋىنشا، بەلگىلى قوعامدىق جانە ساياسي قايراتكەرلەر، عىلىم مەن ءبىلىمنىڭ، مەديتسينا مەن مادەنيەتتىڭ، كينو مەن ادەبيەت قىزمەتكەرلەرى قوعامعا قىزمەت ەتەدى، مەگاپوليستىڭ دامۋىنا بەلسەندى قاتىسادى. قالانىڭ قوعامدىق- ساياسي ءومىرىنىڭ ءتۇرلى سالاسىنىڭ وكىلدەرىنە «قالانىڭ قۇرمەتتى ازاماتى» اتاعى بەرىلدى، سونىمەن قاتار «ەڭبەگى ءۇشىن» ءتوس بەلگىسى تاپسىرىلدى.


الماتى اكىمى قالا تۇرعىندارى اتىنان العىس ايتىپ، ريزاشىلىعىن ءبىلدىردى. «سىزدەر بارىمىزگە ۇلگىسىزدەر ءارى جوعارى ماراپات پەن قۇرمەتكە لايىقسىزدار. قالا تۇرعىندارى مەن ءوز اتىمنان جانقيارلىق ەڭبەگىمە ريزاشىلىعىمدى بىلدىرەمىن جانە وركەندەۋلەرىڭىزدى تىلەيمىن»، - دەدى باقىتجان ساعىنتايەۆ.

«قالانىڭ قۇرمەتتى ازاماتى» اتاعى بەرىلدى:

تەمىرحان دوسمۇحامبەتوۆ - قوعامدىق جانە مەملەكەتتىك قىزمەتكەر، بەلگىلى مۋزىكاتانۋشى، پروفەسسور.

اراۆين يۋري پەتروۆيچ – ق ر كومپوزيتورلار وداعىنىڭ جانە قازاقستان مۋزىكالىق قايراتكەرلەرى وداعىنىڭ مۇشەسى.

توقتار ەراليەۆ - اكادەميك، قازاق ك س ر ەڭبەك سىڭىرگەن ساۋلەتشىسى، قازاقستان ساۋلەتشىلەر وداعىنىڭ مۇشەسى.

ءلاززات قالتايەۆا- «شىراق» مۇگەدەك ايەلدەر قاۋىمداستىعى قوعامدىق بىرلەستىگىنىڭ ءتوراعاسى، قالا اكىمى جانىنداعى مۇگەدەكتىك ماسەلەلەرى جونىندەگى ۇيلەستىرۋ كەڭەسىنىڭ مۇشەسى.

نۇرعالي ءنۇسىپجان- قازاقستان رەسپۋبليكاسىنىڭ حالىق ءارتىسى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات