13:00, 19 - قىركۇيەك 2021 | GMT +6
قىتايدا كەمە اۋدارىلىپ، سەگىز ادام قازا تاپتى
بەيجىڭ. قازاقپارات - قىتايدىڭ وڭتۇستىك- باتىسىنداعى گۋيجوۋ پروۆينتسياسىنىڭ تسزانكە وزەنىندە جولاۋشىلار كەمەسىنىڭ اۋدارىلۋى سالدارىنان كەم دەگەندە سەگىز ادام قازا تاۋىپ، تاعى جەتەۋى ءىز- ءتۇزسىز جوعالدى، دەپ حابارلايدى قازاقپاراتتىڭ مەنشىكتى ءتىلشىسى.
حابارلاماعا سايكەس، قىتايدىڭ وڭتۇستىك- باتىسىندا گۋيجوۋ پروۆينتسياسى ليۋچجي ارنايى اۋدانىنداعى تسزانكە وزەنىندە جولاۋشىلار كەمەسى اۋدارىلىپ، سالدارىنان سەگىز ادام قازا تاپقان جانە تاعى جەتى ادام ءىز- ءتۇسسىز جوعالعان. قازىرگى كەزدە 31 ادام قۇتقارىلدى. وقيعا ورنىندا ىزدەۋ- قۇتقارۋ جۇمىستارى جالعاستىرىلۋدا.
زارداپ شەككەندەر جانە قازا بولعانداردىڭ وتباسىمەن پسيحولوگ ماماندار جۇمىس جۇرگىزىپ جاتىر. توتەنشە جاعدايدان زارداپ شەككەندەرگە مەديتسينالىق كومەك كورسەتىلۋدە. اپات سالدارى ازىرگە بەلگىسىز.